La Usc di Ladins

Che tla scolines dla Val Badia y de Gherdëina vëniel rujenà n’ena talian, n’ena tudësch y n’ena ladin ie al didancuei udù coche velch de »normal«. Ncueicundì ne ti féjel no marueia ai nsenianc y ala nseniantes y nianca no ai genitores di mutons y dla mutans de nosta valedes.

Ma che l ne fova nia dut tan scëmpl y cie che n à dut fat per ruvé a chësc pont, de chël vëniel rujenà tl liber nuef dal titul »Storie di inclu­sione« (Stories de ntlujion). L liber ie unì prejentà dala doi autëures Monica Ferrari y Edith Ploner, n mierculdi dl’ena passeda, ai 26 de merz, tla scolina »Salieta« a Urtijëi dan a n publich, ulache l fova pre­jëntes truepa persunaliteies dla scola ladina. Danter auter fòvel tl publich nce vel' un y vel'una che à laurà pea per realisé l liber y scrit vel’ capitul o cuntà de si esperienza.

Elisabeth Kostner

L articul tla edizion atuela de La Usc di Ladins.