La Usc di Ladins

Compliments a duc. Chest ge va fat endèna, a Fascia e Fiem per la beleza de chesta finèla. La doi formazions se à scontrà su la giacia te na lingia de trei partides per se portèr a cèsa l trofeo, trei partides beles e scombatudes, soraldut cheles states su la giacia de Ciavalies. Partides jièdes te n clima seren e de respet, enceben che duc i bec volessa aer la venta e la tenjion era auta.

Ma fajon n pas endò. Fascia e Fiem chest an les no é states bones de se vadagnèr l master round te la categoria U.14. Ampò la doi formazions à podù serèr su la sajon jian la Copa Tèlia do aer otegnù la calificazion a la fasa a eliminazion direta che pervedea na dopia endesfida, chela de la semifinèles e chela de la finèles. Se per l Fiem, partì col pronostich da la sia, despassèr l ostacol Laives per azeder a la finèla l é stat belebon sorì, l Fascia à cognù se la fèr fora col Zoldo. Na squadra semper senestra da bater, soraldut su la giacia alalèrgia en trasferta. E defat, do la venta del Scola l Fascia à cognù scombater belebon per se portèr a cèsa la venta veneta e se troèr visavì col Fiem.

Se pel lejer dut su La Usc nr 13 dai 4 de oril: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.


 (Daniele Verra)