La Usc di Ladins

De la picola gejia de Ciampestrin no se saea beleche nia, ajache sui libres l era stat publicà pech deldut. Se saea aboncont, da duc i sic ofizièi su la gejies, che chela picola gejiola enlongia stradon a Ciampestrin la era stata fata su del 1825. L document no l é sutà fora, aboncont chesta datazions é segures. L cedean di 200 egn l era donca l’ocajion bona no demò per fèr festa ma ence per proèr a meter ensema vèlch informazion storica.

Chest l é stat fat soraldut de grazia a la pascion e al empegn de Paolo Detomas dal Ansol, e de grazia al didament de Nicoletta Dallago per i tesć, de Davide Baldrati per la fotografies e la scanscions de la documentazions storiches e de Lorenzo Dezulian per l projet grafich l é vegnù fora ence na belota publicazion, che é stata prejentèda en domenia ai 30 de mèrz, en ocajion de la festa endrezèda per l cedean.

Da les 9 dadoman don Mario Bravin, con si servidores, i aministradores del Comun de Mazin, la Musega Auta Fascia, i ciantores del cor de gejia de Ciampedel e la jent ruèda ence da etres paijes de la val se à binà dedant a la picola gejia, e do la benediscion de don Mario i é ponté via envers l PalaDolomites portan en procescion la statua de la Madona. Da semper defat chest lech de cult é stat dedicà a la Mère del Segnoredie: timpruma l era la capela de la Madona di Agnoi, dapò l é doventà la gejia de la Madona de Lourdes.

Se pel lejer dut su La Usc nr 13 dai 4 de oril: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.





 (Lucia Gross)