La Usc di Ladins

Ra tośes e i tośate de el liceo artistico, ra vecia scora d’arte de Anpezo, aduna con chi de ra scora alberghiera, i à lourà par “Gustarte”, el projeto de scora ogà śa tre anes da ra doa profesoreses Elena Gaspari Lasta e Irene Pompanin Marco, aduna con outre profesore de ra doa scores. Sta ota duto ‘l é moesc da zinche colore, chi de i zinche cerce de ra Olimpiades, con sote el bianco de ra bandiera. A chi zinche colore i à śontà zinche depente, de artistes de i pi conosciude: el śal par Mirò, el ros de Matisse, el verde par Klimt, el blu de Vermeer, el negro de Escher. Ra profesoresa de storia de r’arte Pompanin ra i à spiegà polito i depente a i tośate, co ra storia de i pitore, de canche e cemodo che i à fato chera operes.

Deplù te la edizion dl vender, 4 de auril!