La Usc di Ladins

N bel suzes ladin tel paslonch l é ruà dal Zircuit Copa Tèlia Rode, che se à sera su tel ultim fin de setemèna semper a Toblach do la garejèdes de Forni Avoltri, Slingia, Lago de Tieser, Gressoney e amò Forni Avoltri.
La classifica coi ponts concosté te la desvaliva tapes à determinà i venjidores e chiò l é da segnalèr l gran bon ejit de la fascèna Gloria Gabrielli, che se à vadagnà l secondo post assolut e la medaa de or ti Under 23. La atleta del 2004 da Pera é ruèda do da la compagna de squadra Under Up Maria Eugenia Boccardi, ampò apede a la medaa de arjent l’à concostà ence la venta de categoria, passan via ence atletes che fèsc pèrt de la squadres di corpes militères.

Se pel lejer dut su La Usc nr 13 dai 4 de oril: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.



 (Lucia Gross)