La Usc di Ladins

Na uniun via, frësca y dal spirit jonn é chëra dla Crusc Blancia Mareo, che á tigní en vëndres ai 28 de merz la sentada generala. La caposeziun Sofia Castlunger á podü saludé tl salf dla Raiffeisen na schira de volontares y volontars, sciöche ince deplü ghesć d’onur – danter chisc i ombolc di comuns de Mareo Felix Ploner y San Martin Giorgio Costabiei, sciöche ince Sandro Gallonetto dl consëi provinzial dla Crusc Blancia. Sciöche da tradiziun, él damperfora gnü fat n bilanz sön les ativités y le sorvisc, che fej parüda ince tla seziun de Mareo. Ala fin dl ann cumpedân bëgn 64 volontares y volontars, 5 colaboradus dependënc. Na pert importanta dla serada é stada chëra dles onoranzes, olache al é na dërta cumpëda de volontars che á podü pié do le diplom por sü agn d’ativité.

Deplü sön la sentada generala, sön les onoranzes, sön valgünes zifres dla seziun, podëise lí t’La Usc di Ladins di 11 de aurí  (pablo)