La Usc di Ladins

En sabeda ai 12 d’aurí ésera indô stada tan inant. Sciöche vigni aisciöda, él indô gnü tigní la reuniun generala di stödafüch dl Raiun Bassa Val de Puster, pro chël che al toca ince düc i corps dla Val Badia. La reuniun é gnüda tignida a Falzes, y söl program êl sciöche un di punc prinzipai la lîta nöia dl diretif. La presidënza dl raiun é gnüda surantuta da Alois Steger da St. Johann, che surantol insciö la inciaria de Reinhard Kammerer, presidënt ti ultims 11 agn. La novité é chëra dl vize, che é sëgn n stödafüch ladin. Ara se trata de Elmar Irsara de Badia, che ê cina ciamó ispetur de raiun. Tl diretif él ince rové ite Roman Crazzolara da Corvara, che á insciö surantut le tomun da Andi Pertot sciöche ispetur dl Raiun Alta Badia.
Sciöche da tradiziun, él pro la sentada ince gnü surandé les onoranzes al mirit, olache al n’é rové na dërta cumpëda ince te nosta valada.

Düc i stödafüch onorá dla Val Badia, ciafëise t’La Usc di Ladins di 18 d’aurí  (pablo)