La Usc di Ladins

L é stat n domesdì fon, partezipà, bel, chel metù a jir ai 12 de oril, a 20 egn giusć da canche tel medemo dì, del 2005, ne lascèa Danilo Dezulian dal Garber. N muie de jent se à binà te Ciasa de la Moniaria, i à empienì te ogne piz e cianton chela sala che lea l Comun General e l’Union di Ladins de Fascia, e che da ades l à inom apontin sala Danilo Dezulian dal Garber.
La istituzion soracomunala e la sociazion che à desche prum obietif stravardèr e viventèr l’identità ladina de noscia comunanza, à volù adum ge dedichèr al leader del moviment ladin chest domesdì, che à ence avert l’Aisciuda Ladina 2025.
Travers n video, la paroles de Fabio Chiocchetti e la letrures de Monica Cigolla l é stat prejentà l nef liber dal tiol "Tal cher de mie cher" dat fora da l'Union di Ladins de Fascia, che regoi i scric più personai de Danilo e che à soscedà gran emozion. Dapò l president de l'Union Fernando Brunel e l Procurador Bepe Detomas, ensema coi fies de Danilo, Katja e Norberto, i à descorì la tabela voluda dal Comun General per ge dedicar la sala al militant ladin che ge à avert la strèda al Comun General de Fascia.

Podede lejer dut su La Usc nr 15 dai 18 de oril: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.


 (Lucia Gross)