La Usc di Ladins

Bele dan passa 20 agn â siur Iaco Ploner, laota ploan da La Val, inciarié deplü artisć da ilustré sön i vangeli dles domënies de Carsëma, che ê spo gnüs metüs fora te dlijia. Da chël ann incá ési spo gnüs metüs ia y tan co mai plü gnüs tuc ca. Atramënter ésera stada ala fin de merz, por la Cuarta domënia de Carsëma, olache al n’ê degüna santa mëssa, mo na zelebraziun dla parora de Dî. Insciö án tut la dezijiun da taché fora la "opera" che ê gnüda realisada dui dejenns denant. Ara se trata de "Le fi pordü", le vangele de chë domënia.
Inlaota ê la parabola gnüda dessignada da Lois Anvidalfarei da Ciaminades. La particolarité dla zelebraziun de chësc ann é stada che l’artist instës é gnü damané da gní te dlijia a "tigní la pordica", che ê na spligaziun y na reflesciun dl pinsier che al â orü trasmëte y che é atual ince ciamó aldedaincö.

Les reflesciuns de Lois Anvidalfarei ciafëise t’La Usc di Ladins di 18 d’aurí