La Usc di Ladins

»La mencianza de candidac per i Comuns de la val, ma ence l ruol zentrèl e important arjont dal Comun General de Fascia, ne à dat la spenta a endrezèr chest debatit anter i doi candidac a la encèria de Procurador« coscita à avert la scontrèda publica la giornalista Giorgia Cardini de L’Adige, l sfoi che à endrezà l debatit publich en lunesc ai 14 de oril.

N centené de persones se à binà te sala Simonin Maza de la scoles de Moena, anter chisc tropes  candidac per l Comun General e di Comuns de val per la litazions dai 4 de mé che vegn.

A confront: Edoardo Felicetti, stat ombolt de Moena dal 2015 al 2020 e vizeprocurador del Comun General dal 2019 al 2020 sostegnù da doi listes: ‘Fassa’ e ‘Autonomia per Fascia’ e Amedeo Valentini te chesta legislatura conseier de procura a la cultura, politiches linguistiches e per i joegn e inovazion, sostegnù da la lista ‘Neva UAL’. 

N confront franch e zivil, sun desvalives argomenc e temes che revèrda l ent soracomunèl e la val, olache duc i prejenc à podù aer la mesura di doi candidac che à metù dant sia vijions e proponetes.

Se pel lejer dut su La Usc nr 15 dai 18 de oril: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.

 (Monica Cigolla)