La Usc di Ladins

Tel chèder de l’Aisciuda Ladina, anter la desvaliva scomenzadives l’Union di Ladins de Fascia, ensema col Comun General, endreza n cors con Sebastian Ghetta per emparèr a fèr l ort: se taca via con na sera de prejentazion ai 2 de mé da les 20.30 a Sèn Jan te Ciasa de la Moniaria.
Apede a chest l’Union endreza ence na  raida a la descorida de n toch de noscia Ladinia, vin Gherdena en sabeda ai 10 de mé.
Se partirà dadoman per rurèr a Ortijei, olache da les 10:00 se tacarà via la vijita vidèda al Museum de Gherdëina logà te la Cësa di Ladins. Da mesdì l é pervedù la marena al Restaurant Four e domarena  se jirà sa Sacun olache vegnarà fat la vijita vidèda a la gejia e ai doi mèjes de Mëune e de Peza.
Na bela dì per cognoscer miec no demò la storia e la cultura artistica ladina ma ence nosc teritorie, sot la vida del President Fernando Brunel che endèna l viac l ne contarà de toponimes ence fora de val.
L priesc l é de 50 euro a persona che tol ite l viac col pulmin, la vijites e la marena; per chi che enveze vegn con sie auto l priesc l é de 40 euro.
Se pel se enscinuèr ite fin dai 24 de oril al 0462 764545 ence su whatsapp.

De più su La Usc stampèda de en vender ai 18 de oril.