La Usc di Ladins

Le sorvisc dla ciasa di pici, che plü comuns ti á por le momënt surandé ala Cooperativa »Casa Bimbo–Tages­mutter« cun sënta a Balsan, rapresen­tëia n gran aiüt por les families dl post. Oramai él püc geniturs che pó se pormëte da sté a ciasa cun i mituns – ince ma öna dles döes perts – denanche i porté ala scolina. Teco é ti agn chersciüda la domanda do chësc sorvisc.

Porimpó á la mancianza de personal gaujé büsc, che n’é nia saurisc da curí, y che sforza cinamai n valgönes strotöres da stlü. Chësc é le caje dla strotöra a Calfosch, olache le sorvisc é pié ia de novëmber dl 2019. Calfosch é stada l’ultima strotöra tl’Alta che á daurí les portes, mo ince la pröma che les stlüj. Cun la fin de jügn 2025 gnará le sorvisc dé sö por n tëmp nia ciamó definí.


Liede deplü tla ediziun nöia da incö, vëndres ai 18 d'aurí!