La Usc di Ladins

Ntan l’ena passeda à l joler dl Aiut Alpin fat vel’ntervënt, duc ora dla Ladinia. Sëuraprò àl ncë sëurantëut doi trasferimënc de pazienc da n spedel a n auter.
Cun l 13 de auril à l Aiut Alpin Dolomites stlut ju si servisc dla sajon da d’inviern. Repurton n curt l bilanz de duc i ntervënc.
Ntan la sajon da d’inviern à l Aiut Alpin Dolomites fat servisc - coche da cunvenzion cun l’amini­strazion dla Provinzia y dla Sanità - dai 7 de dezëmber inant nchin ai 13 de auril, deberieda cun l HELI Elisocors y la zentrela de emer­gënza 112.
Te chësc tëmp àn fat 564 ntervënc de sucors cun l joler, gran pert de chisc per nzidënc sun purtoies y per emergënzes. Per l rest fòvel da julé per desgrazies de tëmp liede, lëur, sun streda, emergënzes saniteres y sies iedesc per levines.

De plu tla edizion stampeda de La Usc di Ladins o sun l e-paper a paiament www.lausc.it/e-paper