La Usc di Ladins

Cursc
23.04.
Curs de Ladin per chëi che sà bele mpue
L Istitut Ladin Micurà de Rü mët a jì chësc curs cun la referënta Karin Comploj tl Istitut Ladin te Sëlva per de ndut ot iedesc, for de mierculdi (dai 23.04. nchin ai 11.06.) dala 18:00 nchin la 20:00. N possa vester prejënc o l fé online. Info & iscrizions: fur­mazion.gh@micura.it, 0471 773 225. Priesc: 100 €.
29.04.
Mparé nglëisc
Tla biblioteca »Tresl Gruber« a S. Cristina nsenierà la refe­rënta Stefania a rujené y scrì nglëisc. L curs che scu­mëncia ai 29 de auril ie per prinzipianc y va inant uni merdi dala 9:00 nchin ai 10 de juni. Per se nuté su: 0471 79 00 16.
Ma y jügn
Curs da cují por prinzipianc
La Uniun dles patrones da San Martin mët a jí n curs da cují cun Loise Verginer. Le curs vëgn tigní de ma y jügn, dui iadi al’edema. Al é da se tó para la mascin da cují. Informaziuns y prenota­ziuns anter i 20 d’aurí pro Agnes al 392 0536180. Le cost é de 30,00€ a ce.

Temp Lede
Atualmënter
Café dla rujenedes per franzëus y nglëisc
Ntan l Café dla rujenedes tla biblioteca de San Durich a Urtijëi uniràl rujenà franzëus, n merdi ai 22 y 29 de auril, for dala 09:30. Per nglëisc saràl de mierculdi ai 16, 23 y 30 de auril, for dala 09:30. Na cunescënza de basa dla rujeneda ie bënududa.
23.04.
Teater mujighel per mutons
N ucajion dl di nternaziunel dl liber vëniel metù a jì tla bi­blioteca de Sëlva n teater mujighel per mutons cun Lisi Kiebacher y Gudrun Ost­heimer, n mierculdi ai 23 de auril dala 15:00.
03.05.
A spazier cun le cian
Le Consëi de formaziun da Corvara mët a jí en sabeda ai 3 de ma n danmisdé cun Verena Nesticò, por imparé deplü co jí a spazier cun le cian. An s’incunta dales 9:00 ales 14:00 a Calfosch, tla strada La Poza 7. Min. 5 par­te­zipanc; le cost é de 10,00€ a ce. Prenotaziuns al 346 7915927.

Mostre y Ert
Atualmënter
Mostra:

• 
•  

View the embedded image gallery online at:
https://www.lausc.it/manifestazions-y-evenc/29341-manifestazions-atuales#sigProIdc9140d2572

L mond di mandala
Tl Café Surëdl a Urtijëi iel metù ora na mostra de Erika Senoner, che jirà inant nchin ai 13 de juni, dal lunesc nchin al vënderdi, 09:00–19:00.
Atualmënter
Ziclus – ert cun la natura
Per »Kunst im Gang[e]« à l artist Jan Langer crià ert cun materiai y culëures dla natura, deventan un cun l ziclus che fej ora la cuntredes de Süd­tirol. La mostra resterà da udëi nchin ai 2 de mei tla Cësa de Chemun de Laion, lunesc–vënderdi 08:00–12:00 y de juebia domesdi, dala 16:00–18:30. Nfurmazions plu avisa: Elisabeth Frei, 333 4556236.

Chino
Atualmenter
Al chino de Pardac
Insnet, vender ai 18 de oril e en sabeda ai 19 da les 21:00 l é »Le assaggiatrici«, en do­menia ai 20 da les 17:30 l é »Biancaneve« e da les 21:00 »Follemente«. En lunesc a 21 e en vender ai 25 da les 21:00 vegn dat »Un film Minecraft«, en mercol ai 23 per la rassegna ‘cinema da leggere’ l é l film »Leggere Lolita a Teheran« e en sabeda e domenia ai 26 e 27 de oril da les 21 sarà en program »Eden«. Info su www.cinemapredazzo.it.
Atualmenter
Al chino de Tieser
Insnet, vender ai 18 de oril da les 21:15, en sabeda ai 19 da les 17:30 e da les 21:15 e en domenia ai 20 da les 17:00 l é »Un film Minecraft«, che sarà ence en sabeda ai 26 da les 17:15. En lunesc ai 21 da les 17:15 l é »Biancaneve« e da les 20:30 l é »Operazione vendetta«, en jebia ai 24 e en vender ai 25 da les 21:15 l é »Le assaggiatrici« e en vender da les 17:30 l é »Monn il panda«. En domenia ai 27 de oril da les 20:30 e en jebia prum de da les 21:15 se podarà veder »Queer«. Info www.cinematesero.com.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
22.04.
Tassie – Crepes che rejona
Dales 20:50 ca. Da canche mai sion su la tera l’om l’à semper durà contìes e liendes per se spiegèr o contèr fac e avenimenc che ge suzedèa. Te la Ladinia l é soravivù ti egn n marudel de liendes che mantegn elemec uniches, che no se troa utrò. Jon a enrescir la reijes de chesta liendes anter 4 lesc te la Ladinia. Program de Matilde Gazzini, a cura de Anna Mazzel.
23.04.
Pizes dla Ladinia – prim ciampanil dl Sela
Dales 20:50 ca. Program de Manfred Stuffer y Hans Peter Karbon, a cura de Alessandro Dapunt.
24.04.
EURO
Dales 20:50 ca. Program de Diego Clara y Hartmann Mairhofer, a cura de Leo Senoner.

Radio
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
22.04.
Mozart: süa porsona y süa opera
Dales 13:45. Le organist dl Dom da Porsenú y dozënt uni­versitar Franz Comploi, nes cunta te chësc program de n genie musical cun na per­sonalité intravaiada y che á revoluzioné la musiga dl classi­zism: Wolfgang Amadeus Mo­zart. N program de Sara Frenner.
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
18.04.
N viac y n lecort per duta la vita
Dales 19:05-19:30. N viac de ades mez n ann cun l camper ncantëur per l’America dl Sud ie chël che Heidi Insam à fat deberieda cun si uem y si doi mutons, pian via da Gherdëina mo dan Unissant y ruvan de reviers a cësa puech dan Pasca. Heidi conta de chësta espe­rienza defin particulera ulache duc à mparà truep y à pudù se tò pea n lecort per for. Tras­miscion de Alex Runggaldier.
19.04.
Les stries
Dales 19:05-19:30. Ai 30 de aurí vëgnel zelebré la nöt de Valpurga, na tradiziun pagana che vá zoruch a milesc de agn. Aladô dla liënda, dess les stries se abiné adöm cun le malan tratan chësta nöt. Da olá vëgn pa pordërt les stries? Ci ê pa la ciacia ales stries? Chëstes y d’atres infor­maziuns podarëise ascuté sö tratan la trasmisciun. Program de Iris Del Valle.
22.04.
»De teles da giat«
Dales 19:05-19:30. La surans Tita y Grija capitea te na cia­sota cun de plu giac ntëur ite. La gerarchies dl pudëi felin – y uman – ie tosc tleres y l n su­zed d’ uni sort danter par­turì y murì. Co la pënsa pa i giac n cont dl strënjer y co l vëij pa la persona? Co ma­nejea pa i giac i stritoc danter ëi? Ciuldì rata pa la persona che i giac ne rejone nia? De tel dumandes y mo d’ autres nes unirà stlarides da chisc giac y dala patrona. Program de Rut Bernardi.
23.04.
Les aventöres de Milia (4): L’ aventöra de Milia al Pol Nort
Dales 19:05-19:30. Les orches dla familia de Tito, inviëia Milia y la gran vidundera a jí para al pol Nord. Na aven­töra che les döes com­pagnes ne pó nia se perde! Program de Iris Del Valle.
24.04.
Personaji de relief tla storia: Gejú Crist (secunda pert)
Dales 19:05-19:30. I mirachi, i valurs, la natöra umana y divina de Gejú da Nazarteth, chësc y cotan lapró ves pîta chësc program, fajon n percurs tres la vita sön la tera de Gejú Crist. N program de Sara Frenner.
Informaziuns sön i programs radio y tele­vijion de RAI La­dinia pôn ciafè sön www.raibz.rai.it – Sun l medem sit i programes TV sarà da vedei sota »Media­teca« y les tras­miscions radio sota »Podcast«.

Mujiga
20.04.
Cunzert da Pasca
N dumënia ai 20 de auril dala 20:00 saràl tla dlieja de S. Cristina n cunzert da Pasca cun l cor de dlieja de S. Cri­stina, l cor di jëuni S. Cristina y i Flatcaps. Direzion: Martha Basten y Aaron Demez. Tla­vier: Eva Vinatzer.
27.04.
Cunzert dl Cor di Jëuni
L Cor di Jëuni Gherdëina nvieia a si cunzert n dumënia ai 27 de auril dala 18:00 tla dlieja Urtijëi. N cianterà cian­ties che unirà purtedes dant al cuncors nternaziunel »Vox Lucensis« a Lucca tla Toscana.

Iadi y Jites
Atualmënter
Iscrizions: viac de doi dis tl Lechtal
La grupa KVW de S.Cristina mët a jì ai 23 y 24 de mei 2025 n blòt viac de doi dis tl Lechtal tl Tirol. L vën durmì a Elbi­genalp. De reviers pàssen a Lech y Zürs. Nteressei possa se nuté su pra Emmerich Senoner al numer 335 57 13 575.
21.04.
Jita da Laion ora
La Lia Uciei Gherdëina mët a jì n lunesc ai 21 de auril na jita da Laion ora cun esperc dla lia. N se anconta dala 07:15 tla streda Stazion a Urtijëi, da ulache n furnerà cun auti privac nchin dan l »Hubertus«, da ulache n jirà inant a pe. Da tò pea iel na rola y ciauzei adatei.
11.05.
Iade a Abano Terme
Dai 11 ai 18 de ma vëgnel metü a jí n iade de palsa y cura a Abano Terme, dala Val Badia demez, cun coriera. Le cost é de 730,00€ te cia­mena dopla y 800,00€ te ciamena singola (ponsiun plëna). Informaziuns plü avisa y prenotaziuns anter i 5 de ma pro Monica Costa, al 0474 590069.

Referac
28.04.
La sëur dla craitles salveres
La biblioteca »Oswald von Wolkenstein« te Sëlva mët a jì n referat cun l cuech da na stëila Michelin Armin Mair­hofer sun la sëur dla craitles salveres y co les recunëscer, tlupé y adurvé, n lunesc ai 28 de auril dala 20:00.

Dotours
Dutor Gherdëina
L dutor de servisc da n sada ai 19.04. dala 08:00 daduman nchin la 08:00 daduman de n lunesc ai 21.04. ie l dutor Giuliano Piccoliori de S. Cristina, tel. 0471 792282 o 348 3301004.
N Lunesc de Pasca, ai 21.04. ie l dutor Va­lentin Tröbinger de Sëlva de servisc, tel. 0471/773073 o l 335 6844944. Ai 25.04. ie l dutor Simon Kostner de Sëlva de servisc, tel. 347 2297492 y n da n sada ai 26.04. dala 08:00 daduman nchin la 08:00 daduman de n lunesc ai 28.04. ie l dutor Michael Trocker de Urtijëi de servisc, streda Pro­meneda, tel. 388 2580002.
Doturs Val Badia
La doturia en sorvisc ti cin’ comuns dla Val Badia, tla fin dl’edema di 19 y 20 de aurí, sciöche ince en Lönesc de Pasca ai 21 d’aurí, é la doturia Margherita Righini, tel. 348 6351943. Por la festa nazionala ai 24 y 25 d’aurí y tla fin dl’edema di 26 y 27 d’aurí él en sorvisc le dotur Guido Caretta, Calfosch, tel. 0471 836870 o 337 616080. Por la festa dl laur ai 30 d’aurí y 1. de ma él en sorvisc le dotur Alberto Caretta, tel. 0471 839706 o 380 3161999.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n sada ai 18.04. nchin n vënderdi ai 25.04. ie chëla de Fie, tel. 0471/725373 (orar: 8.30-12.30/15.00-19.00, sada 8.30-12.30, stlut mierculdi domesdì. Turnus: sa. 8.30-12.30/16.00-19.00, du. 10.00-12.00). Dai 26.04. nchin ai 28.04. ie l’apoteca de S. Cri­stina de servisc, tel. 0471 792106 o 333 1776615 (orar de giaurida 8.00-12.00/15.00-19.00).
Apoteca Val Badia
L’apoteca en sorvisc fora dl orar ordinar, dal vëndres ai 18 d’aurí dales 19:00 al vën­dres ai 25 d’aurí ales 19:00, é chëra d’Al Plan, tel. 0474 501240; dai 25 d’aurí ai 2 de ma él en sorvisc l’apoteca da Corvara, tel. 0471 830237.

Avisc
Atualmenter
Gropes de letura te Biblio­teca de Comun de Sèn Jan
L é nasciù l nef grop de letores Amisc de la Biblioteca de Sèn Jan, debant e avert a duc; info te Comun al 0462 764758 int. 9. Va inant ence l grop de letura per bec »L’isola che non c’è« con Elisabetta Van­zetta, ai 30.04 e ai 28.05. Info al 389 1122243 ence whats­app, o sangiovanni difassa@biblio.tn.it
Atualmenter
Nasciui per lejer te la Biblioteches de Fascia
Te la Biblioteches de Sèn Jan, Moena e Cianacei, ensema con cheles de Fiem, vegn metù a jir mostres, scontrèdes e scomenzadives per ge averjer l mond di libres e de la musega ai bec da 0 a 6 egn. Fin ai 19 de oril a Moena e dai 21 ai 30 de mé a Cianacei. www.natiperleggere.it
Atualmenter
Da Papa Luciani per l Giubileo
La Fondazion Papa Luciani e l Musal, Museo Albino Lu­ciani, en ocajion del Giubileo 2025 propon itineraries per singoi o gropes che met adum la fegura del beat Papa Jan Paul I, i santuaries e i lesc de sia vita. En jebia ai 8 de mé l é en program n Open day per i operadores turistics. Info 0437 1948001 – www.musal.it.
Atualmenter
Neves oraries biblio Majon di Fascegn
Col prum de oril l é jit en dou­ra i neves oraries de la biblioteca de la Majon di Fascegn che sarà averta de mèrtesc da les 9:00 a les 12:00 e da les 14:00 a les 16:30, de mercol demò da les 14:00 a les 16:30, i etres dis, fora che l vender, su apuntament. I archivies se pel i consultèr demò su apuntament de lunesc e de jebia da les 8:00 a les 18:00.
Atualmënter
Iniziativa di ëi de Puster – MIP
L’ofize dla MIP–Männer­initiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it
Uni lunesc
La Coa: ancuntedes per genitores
Uni lunesc dala 09:30 nchin la 11:00 puderàn se ancunté tl local Matada a Urtijëi per sté deberieda danter mu­tons:ans, mamis y tatis y chi che deventerà tosc genitor. Sëuraprò saràl l mesun de damandé cunsëies ala espertes Karin Planker y Linda Fa­conti. L cost ie de 5€ per cu­mëmbri dla Lia Gaia.
Mëns de mei
Café dla rujenedes: spanuel
Ntan l Café dla rujenedes tla biblioteca de San Durich a Urtijëi uniràl rujenà spanuel uni vënderdi dl mëns, ai 2, 9, 23 y 30 de mei, for dala 09:30. Na cunescënza de basa dla rujeneda ie bënududa.
Juni
Mpresté trohtes a Urtijëi
Dai 4 de juni inant pòssen uni mierculdi dala 20:00–21:30, mpresté ora trohtes pra la Lia Guant dala Gher­dëina de Urtijëi, tl self dla lies tla Cësa di Cungresc suaut. La trohtes per mutans y mu­tons vën mprestedes ora do­mes­dì, ai 4, 11 y 18 de juni, cher­dan su danora l numer de Nadja Moroder 334 5266014.
23.04. – 05. y 13.05.
La Ila: Infopoint informatica
Le Consëi de formaziun Badia mët a jí le »Infopoint informa­tica«, che s’oj a düc chi che adora n sostëgn cun computer y fonin. Referënta é Madda­lena Valentini, pedagoga di media. An s’incunta te biblio­teca de Badia, en mercui ai 23.04. dales 15:00 ales 17:00, o te biblioteca da La Ila, ai 5 y ai 13 de ma dales 15:00 ales 17:00. Al é da se prenoté al 347 6880248.
02.05.
San Martin: udiënza dla defensuria popolara
La defensuria popolara o süa sostituta tëgn udiënza a San Martin de Tor, tl salf di stöda­füch, en vëndres ai 2 de ma dales 14:00 ales 17:00. Por pre­notaziuns cherdé sö le 0471 946020. Les proscimes udiënzes é ai 4 de messé, 5 de setëmber y 7 de novëmber.
06.y 08.05.
»Diggy-Treff« ancuntedes digiteles
Ëis’a dumandes n con’ de vosc computer, de programs o per la nstalazion de na soft­ware? Tulëde pea vosc fonin, tablet o laptop y unide te bi­blioteca San Durich a Urtijëi. N merdi ai 6 de mei dala 9:00–12:00 y n juebia ai 8 de mei dala 15:00 ala 18:00 sarà l espert Werner Messner iló a ve judé. L servisc ie debant y n ne à nia drë’ de se lascé nuté su. Urtijëi.

Sozial
Atualmenter
Cors de tango
L Comun General de Fascia, en colaborazion con ASD Tango al buio, endreza n cors per scomenzèr a balèr l tango argentin con ensegnanc col diplom nazionèl e interna­zionèl, lezions da les 19:00 a les 20:00 te Oratorie de Poza a Sèn Jan. Info e prenotazions al 347 0194799 o tango.albuio@gmail.com.
Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de referi­mënt é Hubert (tel. 339 169 8343) y Methilde (tel. 335 6977604).
Atualmënter
Bancarela dl mangé a Badia
La bancarela dl mangé é da­verta vigni secunda jöbia, dales 9:30 ales 10:30. I pro­scims termins é ai 24 de aurí y ai 8 de ma. Al vëgn dé fora da mangé a dötes les porsones dla Val Badia che á debojëgn.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).