La Usc di Ladins

N vënderdi ai 11 de setëmber se àl ancuntà i 14 espunënc di ufizies tecnics che possa prejenté n proiet de mascima per l derturamënt y slargiamënt dla Cësa di Ladins a Urtijëi.

I 14 ufizies de architetura possa fé pea pra l cuncors per l proiet de mascima dla Cësa di Ladins. Chësc ie da dé ju nchin a dezëmber de chëst ann. Chiche vënc l cuncors danter i catordesc, giaperà pona la ncëria per l proiet ejecutif, per chël che l sarà mo da purté inant plu mumënc tecnics, ma nce de finanziamënt. L proiet de mascima ie da dé ju nchin ala fin de nuvëmber.
N vënderdi iel unì prejentà mo n iede la bandida de cuncors, y l ie nce unì tëut l’ucajion per prejenté l frabicat, cun si strutura, si logistica y si valënza tl cuntest sozioculturel y nce turistich-economich de Gherdëina y dla Ladinia ntiera. De chësc viers àl tëut la parola l ambolt de Urtijëi Tobia Moroder, la presidënta dla Union di Ladins de Gherdëina Sofia Stuflesser y la diretëura dl Museum Paulina Moroder.

N vënderdi ai 11 de setëmber iel unì fat n var inant, mpurtant, cuncret, per la realisazion dla Cësa di Ladins.

David Lardschneider

FOTO: N ucajion dl’ancunteda cun i 14 espunënc di ufizies tecnics che possa prejenté n proiet de mascima per la Cësa di Ladins a Urtijëi.