La Usc di Ladins

Da chël che dij i Carabinieri de Urtijëi, ti à l sciafer dla curiera te Sëlva damandà l ticket al jëunn, che à abù la reazion viulënta de ti dé de piesc y de punies y de ti rubé l fonin. Da dedò iel cun la doi jëunes, 18 y 19 ani, jit dovia tla curiera, à tëut i martiei de segurëza y à spacà su la scipes dla portes per se n mucé.
I Carabinieri à abinà l ël y la doi ëiles mo daujin al luech ulache fova la curiera. I fova mo cun sënies y sanch sun l corp y i guanc che cunfermova l at de viulënza.
Śën messerà i trëi jì dan Sunieria. Ntant ie l ël unì arestà.