La Usc di Ladins

I savun che la gran pert dles botëghes é sëgn stlütes. Insciö n’él tres deplü che s’á organisé da condü fora süa marcianzia diretamënter a ciasa. Chësta é na sauridanza por les porsones, cis por chëres che ne pó nia s’armöie, mo al é ince na poscibilité por i patruns dles botëghes y sorvisc da podëi impó lauré y ince pité laur, y sambëgn reforní cun produc y materiai che an é zënza dër en tentaziun da comané da internet. Indere ne sán nia dagnora sce y che che pita chësc sorvisc.
Na resposta pratica a chësta domanda vëgn dal grup Facebook »T’l portun a ciasa – Botëghes y sorvisc daverc tla Val Badia«, na manira originala por mostré unité y ince sostigní nostes botëghes, nüsc sorvisc, nosta jënt. L’idea á ciafé gran aprijamënt, tan che te püc dis éson rová cuaji sön 1.000 mëmbri scric ite: an vëgn lassura chi che condüj fora ciüfs y plantes, chi che píta mascheroc personalisá, les botëghes de mangiaria che te condüj la spëisa dan porta, olache an pó s’aposté na pizza o cinamai olache an ciafa tutres da paur. Lapró él nasciü ince val’ aziuns de solidarité che á descedé simpatia. Al é na plata che mostra reconescënza.

Chiló le link ala plata
https://www.facebook.com/groups/1168654360145880/

Che ch’al é doía, so pinsier do l’idea, podëise lí t’La Usc di Ladins di 10 de aurí



















 (pablo)