La Usc di Ladins

"Cun 66 agn mët man la vita", ciantâ Udo Jürgens dl 1977. Döt tort n’ál nia albü, che spo cun 66 agn ál metü man da sprinzé fora ciamó plü energia co ti agn plü jogn. Aldedaincö é l’eté gonot ma na zifra söl papier, sce an ti ciara a val’ un o val’ öna che resta tres jonn. Da dí á sambëgn la vitalité y sanité che an á la fortüna da avëi.
Romano Obwegs á complí ai 9 de messé 2020 l’eté de 60 agn, ci che n’é aldedaincö nia val’ tan de straordinar, bëgn indere bel da odëi. Ester tan jonn a 60 agn é na scincunda y na garanzia che val' porta nöia pó se daurí sö do na vita de laur. Cun Romano Obwegs unse orü s’la cunté avisa en le de de so compliagn toronn.

La Usc: Romano, incö complësceste 60 agn, le crëieste instës?
Romano Obwegs: "I messará le crëie, sce tö le dijes. A vigni manira ne me sinti sëgn cun 60 agn nia plü vedl co zënzs, y daldöt nia ciamó vedl. I mëti pa man sëgn da ciaré inant, forsc a agn olache i á manco da fá y plü tëmp por me gode mies ligrëzes."

Liéde do döta la intervista tla ediziun atuala stampada de La Usc di Ladins!