La Usc di Ladins

Le distret di stödafüch dla Bassa Val de Puster cumpëda bëgn 48 corps de stödafüch volontars – da Calfosch cina Prettau, da Percha cina Vandoies. Chisc é partis sö te 8 sotraiuns. Le 2020 é sté ann de lítes tl distret, olache an á nominé le diretif por i proscims 5 agn. An á tigní sön la continuité, deache presidënt resta inant Reinhard Kammerer, le vize é inant Raimund Eppacher y l’ispetur dl distret resta inant n ladin – Elmar Irsara de Badia. Por ci che reverda i ispeturs di sotraiuns, él tl raiun Alta Badia gnü reconfermé Andy Pertot, tratan che tla Bassa Val Badia á Alexander Zingerle da San Martin tut ite le post de Florino Ferdigg da Rina.
Nos un tut sö contat cun l’ispetur dl distret Elmar Irsara, por ti damané deplü sön süa inciaria, sön i intervënc dl ri tëmp che vëgn tres deplü, sön la colaboraziun danter stödafüch pustri y ladins y sön les ligrëzes che porta pro da jí pro i stödafüch.

T’La Usc di Ladins di 16 de otober ciafëise la intervista ch’i un fat impara.



 (pablo)