Jonn te porjun
I Carabiniers da Maran á aresté en lönesc sëra n jonn de Mareo che orô arobé te na botëga.
I Carabiniers scrii te n comunicat che defata do les 6 da sëra â na ëra telefoné al 112 por segnalé che al gnô arobé te na botëga de guant a Maran. Les forzes dl ordinn é atira rovades söl post, olache ares á sciafié da tigní sö n jonn de 23 agn de Mareo che â mefodër coreté ia por tera la titolara, che á patí val’ botes y na gran spordüda. I Carabiniers á fat na percuisiziun y á ciafé pro le jonn guant por le valur modest de 115,00€. Le comunicat dij inant che le jonn foss ma gnü dé dant por arobaria, sce al n‘ess nia agredí la ëra. Chësc fat á indere agravé süa posiziun. Le jonn é bele conesciü pro i Carabiniers da Bornech por reac desvalis ti ultims agn. Al é gnü condüt te caserma y dedô te porjun a Balsan. (pablo)
Galaria retrac
View the embedded image gallery online at:
https://www.lausc.it/valedes-ladines/val-badia/14444-jonn-te-porjun#sigProId3ac9556a3b
https://www.lausc.it/valedes-ladines/val-badia/14444-jonn-te-porjun#sigProId3ac9556a3b