Te chësta sajun particolara, olache al toma fora la poscibilité da jí cui schi, n’él tres deplü che se lascia apascioné dales alternatives. Dlungia la liösa, les ciaspes, le schialpinism o le paslunch, á la Cooperativa Turistica Al Plan/San Martin organisé por chësc invern a na novité particolara. Sön Börz án la poscibilité da se fá n rait fora por i pra de Pütia trac sön na liösa da n bel tlap de huskys siberians. Al é na ativité por pici y gragn, che se damana de bugn cialzá y n vistimënt cialt. Por le rest vëgnon istruis danfora da Italo Facenti y Greta Bonavoglia, i patruns di 25 cians che ai á surantut da porsones che ne sciafiâ nia plü da ti dé chës atenziuns che n tier se mirita. Ai spliga ci che an mëss fá, co che an pó cherié n raport cun i cians, y ai acompagnëia ince i partezipanc sön chi 5-6 km de percurs fora por na natöra demorvëia bela. Informaziuns plü menüdes sön chësta poscibilité ciafon pro la Cooperativa Turistica Al Plan/San Martin, le sît é www.huskysleddog.com
Deplü podëise ince lí t’La Usc di Ladins di 15 de jená (pablo)
Börz: cun i huskys fora por chës nëis
Chi che chir na ativité alternativa tla natöra, á chësc invern na poscibilité implü: na escurjiun tla morvëia naturala de Börz, trac do da n tlap de huskys
Galaria retrac
View the embedded image gallery online at:
https://www.lausc.it/valedes-ladines/val-badia/14553-boerz-cun-i-huskys-fora-por-ches-neis#sigProIdff5ea7a36a
https://www.lausc.it/valedes-ladines/val-badia/14553-boerz-cun-i-huskys-fora-por-ches-neis#sigProIdff5ea7a36a