La Usc di Ladins

»Ad multos annos!« s’â les Scores Altes a La Ila aodé tratan la festa por i 50 agn de ativité, desfirada de jügn dl 2023. Por garantí le dagní dla scora ess le numer dles iscriziuns nöies messü resté stabil o – ciodí pa no – cinamai crësce. Les Scores Altes s’á de chësc vers dé da fá por posizioné val’ idea nöia danter la jënt y les families, fajon informaziun y promoziun söles ofertes y i sorvisc.
Por mez secul á les Scores Altes a la Ila dé la poscibilité a plü gene­raziuns de arjunje l’atestat de madu­ranza zënza messëi por chësc lascé la valada. Cun impëgn s’â i pioniers Hermann Pescollderungg, Otto Pizzinini, Karl Miribung y Franz Kostner, ombolc di paisc tl’Alta Badia, adöm al Intendënt Franz Vittur, dan da 50 agn batü por fá deventé realté le some d’avëi na scora alta te valada y chësc cun suzes. Ince sce la scora s’á tl tëmp svilupé ai varesc cun i tëmps, é resté le momënt dl’esit dles iscriziuns fatidich, che da ann a ann n’á nia porté püc fistidi.
Cun le 15 de forá s’á en chësc ann stlüt jö la fasa d’iscriziun por l’ann scolastich 2024-2025. Y al é salté fora n resultat positif.


Liede inant tla ediziun nöia de vëndres 29 merz !