Dilan, dievelpai sonadours!

Data

08 de mei 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La Union Generela di Ladins dla Dolomites rengrazia duc chi che à tout su l invit de soné l Inn Ladin y de auzé su la bandiera ai 5 de mei, ti 100 agn da la nasciuda dl simbol dl popul ladin.







N grum fova les scomenciadives che l’Union Generela di Ladins dla Dolomites ova en program per l aniversar emportant di 5 de mei dl 2020: cent agn dla bandiera ladina meritova na gran festa. Al fova pre­ vedù na enconteda sul Jouf de Frera y n convegn a Reba, ma dut à messù vegnì sburlé a temps manco ries – speron al mei 2021.

L’Union Generela di Ladins à abiné donca sie Consei chisc dis passé te na enconteda virtuala per vedei co che an podessa zelebré chel di. Tla ocajion à l president dla Union di Ladins de Fascia Fernando Brunel porté dant l’idea de envié les Muji­ ghes y i sonadours de duta la Ladinia a soné l Inn Ladin ai 5 de mei 2020 en recort y onour de nosta bandiera.

Al fova dassen puech temp per se organisé, ma n grum de Mujighes y sonadours da dutes les cinch valedes à tout su l envit: les notes de clarinec, trombetes, flauc, corns yii. se à levé da balcons/solés, fenestres, ourc, amesa la natura o daimprò a luesc storics de nost raion.

Da soui o te pitli grups, a destanza de segureza, é stés trueps i musizisć che à registré sies sonedes y les à menedes inant tres i socials y sun l web. Zachei à enjigné de biei videos apontin per l’ocajion y al é vegnù publiché ence n grum de retrac che ova per protagonista la bandiera dai trei colours.

La presidenta dla Union Generela di Ladins dla Dolomites Milva Mussner y dut l Consei é stés contenc dassen dla gran resposta a sie invit y de veide che, ence sce an n’à nia podù organisé na enconteda, s’à l sentiment de identité ladina mostré bon fort tl cuer dla jent.

Al n’é chilò nia poscibl de recordé duc chi che à soné y cianté l Inn Ladin o auzé su la bandiera bruna, blancia y verda ai 5 de mei, empò tisporjadutesyaduc,unperun, l’Union Generela di Ladins dla Dolomites n gran dilan de cuer! Ad multos annos! 

Galaria retrac