Mia fia à fat servije zivil, educatora tel Kenya desché Silvia Romano. Canche de november del 2018 l'é ruà la burta neva del rapiment é pissà che l'aessa podù ge sozeder a ela.
Ti 536 dis de sia prejonìa aon vardà de tegnir viva l'atenzion per chesta tousa, la speranza che la sie amò viva. Si retrac grignolenc per recordar che passaa i meisc l'à fata doventar tel temp semper più noscia.
»Son stata forta« l'à dit n'outa librada, coi eies grignolenc: na marevea.
Dapò, i comenc sui social: le enjurie, le manace che jent de so Paìsc à
View the embedded image gallery online at:
https://www.lausc.it/atualite/12640-a-silvia#sigProId279d805507
https://www.lausc.it/atualite/12640-a-silvia#sigProId279d805507
L Goern à cognù paar n rescat. Ei, fosc soa vita ne à costà 6 centeisemes ogneun. Ma l rescat é stat paà ence per etres rapii a la foresta, che no jìa a didar i autres a ciasa soa, descheche disc che ge volessa far chi che ades la cusa.
Con chi scioldi i terorisć comprarà arm. Ei, ma nia respet ai miliarc de armamenc venui da la Talia, te l'acort de duc, a Paìjes che se sà benon che i finanzia l terorism.
La se à convertì a la religion islamica. Te n an e mez de solentum e teror l soul confort l'é stat le scriture del Coran. Se l'é na sia scelta ledia la revarda demò ela, se no l temp podarà ge dar l met de se retroar.
Silvia l'é na tousa de anchecondì, de noscia miora joentù, che no se pesima a ge jir dò a si ensomesc, didar i autres e cerir n mond mior, per soa medema felizità. La é vegnuda de retorn e aon podù spaner lagreme de legreza, no de dolor.
Lascion a chi che la enjuria la meseria de n cher zenza amor. Noi, a Silvia, ge fajon n gran braciacol, e speron che no la cogne mai renunziar a si ensomesc e soa libertà... ne se pentir de esser vegnuda de retorn te so Paìsc. (de Lucia Gross)