La Usc di Ladins

Ai 24 de jugn Fabio Chiocchetti fenirà sie lonch empegn a la vida de l’Istitut Cultural Ladin. L Consei de Aministrazion à enjignà l bando per passèr l testamonech, endèna l lurier del diretor à fat de etres gregn vèresc inant.Demò ti ultimes egn l’é stat dat fora n mont de libres che restarà fondamenc per la cultura de noscia val, desche l gran studie sul Guant, i materiai de la Letradura fascèna, la riedizion de la Storia de Fascia de P. Frumenzio, l liber su la Gran strèda de la Dolomites del Wolff e en ultima i 3 volumes de Saggi de antropologìa de Cesare Poppi. L prum de chisc trei volumes era stat prejentà chest uton passà, ades ence l secondo l’é sun desch e l terzo l’é en stamparìa. Endèna l diretor Fabio Chiocchetti l’é jà dò a serèr sù n auter obietif: la publicazion del liber de cianties de Luigi Canori, inom d’èrt de Ermano Zanoner del Gabana da Moena. 

De più su La Usc stampèda de vender ai 15 de mé 2020.

 (Lucia Gross)