L'Europa se mord ti slefs, mo scuta chita

Data

14 de agost 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Comentar de pruma
Amesa l'Europa suzedel l'infer, vëgn les porsones drucades a tera, al é da dé tria, al é da tigní la müsa. Y la müsa vëgn spo tignida tles manëtes brutales de na ditatöra che comana inant. I baiun dla Ruscia Blancia, la Bieloruscia, ti pügns de n presidënt che ne conësc nia sëns umanitar, dërc zivii y democratics: Lukashenko.
Dan otedé él sté lites presiden­ziales tla Bieloruscia, trëi dis dedó é la revala de Lukashenko, la leader dl'oposiziun Svetlana Tikhanovskaya, tla Lituania – sciampada por sconé sé y sü mituns. L'aparat dür y opressif de Lukashenko á saré ia do les lites milesc de porsones atives te mani­festa­ziuns y protestes, á metü fora funziun telefonia mobila y internet. Mo chësc sistem radical de Stat röia tres plü te piz, i morc y feris dles protestes baia ince sce ai mëss scuté!
La domanda é co che n Luka­shenko á pensé da tigní lites, savan danfora che al messará manipolé les medemes lites por resulté – sciöche ël instës á incundé do les lites davagnadú por le 80% dles usc? Y sëgn joa ma plü le scioper, che é na protesta chita, odëi tan che n ditaur vel ciamó zënza popul, zënza almanco n pü' de bëgnsté dla jënt che al comana...
I sperun che la Ruscia Blancia, trata ia y ca tresfora tla storia di ultimi secui, destacada dal'Uniun Sovietica y spo independënta pois se svilupé final­mënter »indepen­dentemënter« zënza presciuns da defora. Mo Putin n'é nia inatif, la Bieloruscia é massa importanta strategicamënter! Y l'Europa cun la politica dles sanziuns é anacro­nistica y ne fej nia assá por desmandré les iniustizies y l'infer da Minsk.
Intenunse pordërt ci che i baiun? L'om de Svetlana Tikhanovskaya ê de ma 2020 gnü saré ia, do che al â detlaré y oragnisé da orëi candidé ales lites presidenziales! Sön chëra s'á spo Svetlana metü en aziun, sostegnida da milesc.
Ester fosson pa amez Europa y nia sön Mars, le planët dla vera!  (de Iaco Rigo)

Galaria retrac