La Usc di Ladins

Lité é n dërt y valur dla demo­crazia. De valurs ne báion nia, chi é – vëgnel dit. Impó él tres indó da recordé che tröpa jënt fora por le monn jiss ion a lité, mo ne pó nia. Al é da manifesté chësc dërt arjunt cun batalies, canche i gnun cherdá ala lita. En chësta domënia (dales 7:00 ales 23:00) y en chësc lönesc (dales 7:00 ales 15:00) podunse jí a lité le smen­dri­mënt dl Parlamënt (de zirca n terzo di scagns) – fajon na crusc söl SI – y cerne l'ombolt/a y i aconsia­dus/les aconsiadësses te consëi de comun che i orun por i cin' agn che vëgn. Ara nen vá, te düc i caji litai, de na dezijiun impor­tanta, ajache ara in­stra­dëia tles con­di­ziuns de vita de nosc dagní!

Ince

• 
•  

View the embedded image gallery online at:
https://www.lausc.it/atualite/13519-litun-i-comuns-y-smendriun-le-parlament#sigProId530dc1bfdd

Corvara adora le 50% de litadus
Ti comuns olache al se presentëia ma öna na lista desco a Corvara y La Val (Val Badia) ne pó i zitadins nia ponsé da ne avëi nia da dí, ajache – por che la lita váles – mëss la lista ciafé almanco le 50% dles usc varën­tes y al mëss jí a lité almanco le 50% di litadus iscric tles listes litales de dl comun. Ti comuns dles vals ladi­nes de Südtirol ciafa i litadus en chësc iade 3 zetoles tla man: 1) chëra dl Referen­dum confer­matif, 2) chëra dla lita dl ombolt y chëra dla lita dl consëi de comun.

Istruziuns por la dërta lita
Ti comuns ladins de Südtirol é la lita dl/a ombolt/a destacada da chëra dl consëi de comun, chël ó dí che le litadú ciafa döes zetoles y pó lité söla zetola dla lita da ombolt/a ince n/na candidat/a a ombolt/a desferënt/a dala lista che al litëia te consëi de comun sön la secunda zetola. IMPORTANT él da scrí sön trames les zetoles dër tler inom y cognom de vigni candidat y candidata che i litun. Ci che ne cunta nia é da scrí sö le numer di candidac por la lita dles listes (olache an pó dé cina cater preferënzes per­sona­les).  (de Iaco Rigo)