La Usc di Ladins

Forsc ne s’á püc y degügn aspeté che "ma" l’1% di tests antigenics de chësta iniziativa provinziala foss positifs. A pert che spo vigni caje de infeziun implü é na stleta notizia. Basta ponsé ci pinsiers, festidi y ince tëmes che chëstes porsones y sü familiars ará!
Chisc tests dla proteziun zivila, di comuns y dl’aziënda sanitara südtiroleja vá inant cina insnöt, spo gnaral fat da pert dla politica y dles autorités dla sanité provinziala le pröm bilanz ofizial – scebëgn che ince i tests "privac" che jënt fajará ciamó cina en mercui ai 25 de novëmber 2020 te apoteches, te cliniches y pro doturs de comun y privac, cuntará por la gran iniziativa de tests provinziala.


I resultac di

• foto: ofize stampa provinzial/Corrà
•  

View the embedded image gallery online at:
https://www.lausc.it/atualite/14039-ma-l-1-e-positifs#sigProId4b85f8af64

tests antigenics te Gherdëna y tla Val Badia (situaziun: incö domënia dales 10:00)

Badia: 1.876 tests, 12 caji de infeziun (0,6%)
Corvara: 811 tests, 9 caji (1,1%)
Mareo: 1.384 tests, 15 caji (1,1%)
San Martin de Tor: 1.013 tests, 3 caji (0,3%)
La Val: 756 tests, 4 caji (0,5%)

Sëlva: 1.693 tests, 9 caji positifs
Santa Cristina: 1.213 tests, 3 caji (0,2%)
Urtijëi: 3.115 tests, 2 caji (0,1%)

Südtirol indöt: 269.901 tests, 2.626 (1,0%) positifs


Les proes PCR dl’Aziënda sanitara provinziala

N ater capitul é i tests PCR che vá inant paralelamënter a chësta iniziativa da cherdé düc al test antigenich debann. Por la maiú pert vëgnel fat chëstes proes cun la sort de tests PCR a porsones che á sintoms o albü sintoms.
Aladó de chësta lista él a Badia 28 infeziuns atives, a Corvara 9, te Mareo 76, tl comun da San Martin de Tor 34 y a La Val 20.
Te Gherdëna ciárera fora insciö: Sëlva 13 infeziuns atives, Santa Cristina 18 infeziuns atives y Urtijëi 41 infeziuns atives.









 (Iaco Rigo)