Al é i dac referis ala spana dai 4 ai 11 de jená 2021, lasciá al savëi dal’Intendënza Ladina. Nia lapró n’é i caji de positivité danter i jogn y les jones tles scores altes che n’â por mirit de leziun a destanza nia le dovëi da lascé al savëi ala direziun de scora na infeziun eventuala.
I ot caji te scora é metüs adöm insciö: da 3 caji tles scores elementares (2 caji danter scolars y 1 caje pro na porsona insegnanta), da 1 caje danter i scolars dla mesana y da 4 infeziuns nöies pro scolars profescionai y de scores altes.
Indöt él gnü scrit dant 29 carantenes: 5 por le monn dles scolines (3 mituns y 2 porsones insegnantes), 11 tles scores elementares (10 mituns y 1 forza d’insegnamënt), 7 por les mesanes (sis scolars y 1 forza d’insegnamënt) y 6 tles scores altes (döt studënc/tes). (Iaco Rigo)
Ot infeziuns nöies tles scores ladines
L’edema passada él gnü registré tles scolines y scores ladines de Südtirol indöt ot infeziuns nöies de Sars-CoV-2
Galaria retrac
View the embedded image gallery online at:
https://www.lausc.it/atualite/14489-ot-infeziuns-noeies-tles-scores-ladines#sigProId3ff086c31e
https://www.lausc.it/atualite/14489-ot-infeziuns-noeies-tles-scores-ladines#sigProId3ff086c31e