La Usc di Ladins

Tosc se ruvará indô la scora mesana y tröpes jones y tröc jogn se damanará: co vara pa inant cun mi stüdi? Tröc sá avisa te ci scora che ai ó jí, mo d’atri á ciamó dübi sön ci direziun che ai ó tó y te ci scora alta che ai dess se scrí ite. Chësta plata ó informé scolars, scolares y geniturs söl’oferta formativa dles scores altes ladines y dé n aiüt concret ales mitans y ai mituns dles terzes classes dla scora mesana che mëss se chirí fora na scora alta o profescionala, por daidé te chësta dezijiun tan importanta por le dagní de nüsc jogn y de nostes jones.
Por gauja dla pandemia Covid–19 nes porta l’ann de scora 2020/21 tresfora desfides nöies y nia saurides. Danter l’ater ne pó en chësc ann les scores altes nia mëte a jí i dis de informaziun y dla porta daverta che é tres stá ti agn passá na buna ocajiun por se informé diretamënter tles scores dles ofertes formatives esistëntes.

Le prestisc dles scores altes tla Val Badia y te Gherdëna

Porchël oress l’Intendënza Ladina recordé te chësta manira l’oferta formativa che vëgn pitada dales scores altes ladines y dala scora profescionala por l’artejanat da Urtijëi. Chëstes scores garantësc na buna formaziun te ciamps desvalis, pita azënc inovatifs tla didatica y ti dá ales studëntes y ai studënc ladins la poscibilité da jí inant cun suzes sön so tru formatif tl sistem scolastich paritetich y plurilinguistich.
Dessot ciafëise na lista de dötes les scores altes ladines cun referimënc a sües seziuns y a sü azënc particolars. Tres i links dá dant rovëise diretamënter sön la plata internet de vigni scora alta, olache i ciafarëis deplü informaziuns monüdes sura les singoles ofertes de formaziun.


Grafich:
En chësc ann ne pó les scores altes nia mëte a jí i dis de informaziun y dla porta daverta che é tres stá ti agn passá na buna ocajiun por se informé diretamënter tles scores dles ofertes formatives esistëntes. Porchël publichëia l’Intendënza Ladina chisc numeri y lians de contat.

 (Iaco Rigo)