"I é fat trueps viadesc foa per l mond, ma l plu gran viade éi fat te me"

Data

23 de jené 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Emma Menardi Diornista, joena de Anpezo, é sen tl'America dl Sud, plu avisa tl Chile. Da can che ala á ruvé les scoles autes roda Emma fora per l mond. Sies esperienzes nes cóntela te chesta intervista
Emma Menardi á tout la dezijion da lascé si daciasa per jí fora per l mond a emparé da conesce luesc nuefs y fé esperienzes nueves con jent nueva. Encuei nes cóntela sia storia de vita. 

La Usc: Bon di Emma, i savon che t'es steda te luesc desferenc fora per l mond, ma i scomencion dal post olache t'es ades...
Emma Menardi: Ades sonse tl Chile, i son vegnuda chiló bele de merz dl ann passé, do che i fove steda a Buenos Aires de fauré. Chiló nes ái da puech lascé fora dl lockdown gaujé dal coronavirus. Tratant che i descoron sonse dant al Ozean Pazifich, olache i tole su n puech de soredl. Na outa ruveda tl Sudamerica sonse steda plu o manco diesc dis te Argentina, y spo me éi sposté tl Chile, olache i volove demé sté valch di. I son steda sun la ijola con la zité plu a sud dl mond, Puerto William. Tratant che i fove iló, éi sclut su dut a gauja dla pandemia y ai á metú su na carantena y ence ie é messú sté chieta n meis iló, ajache i confins fova sarés. Do n meis éi podú m'en jí con l aiut dles istituzions che lasciova fora i sciori sciche me y i son ruveda chiló a Valparaíso. I esse abú plajei da jí inant a rodé, ma i é messu sté chieta chiló per i confins scluc su."

I podeis lí duta l'intervista a Emma Menardi sun l foliet stampé da en vender ai 22 de jené.   (Beatrice Colcuc)