L é la maor esposizion de scultures a l’averta d’Europa e la vegn metuda a jir vigni 3 egn te la Svizera, avisa a Bad Ragaz, zenter termal tel Cianton de Sèn Gal, ma dalonc pech più che 20 chilometres da la romancia Cuira.
L inom de la Trienala, che jia con chel del lech olache la é loghèda, l é Bad RagARTz e chest an, te sia IX edizion, l’à per titol »Presente«. La vegnarà inaudèda en sabeda ai 4 de mé, te n bel event de èrt, musega e spetacol, e dapò la restarà fora enscin a la fin de otober.
Anter la gran operes de 88 artisć che se pel jir a veder debant a l’averta tel Giessenpark, fèsc bela parbuda cheles monolitiches de n artist fascian, Matthias Sieff. Sia operes se tol segur fora de anter, e no per nia les é semper en pruma fila te la comunicazion de la Trienala.
De più su La Usc stampèda de en vender ai 26 de oril. (Lucia Gross)
Matthias Sieff a la Trienala de scultura de Bad Ragaz: »Prejent«
L artist fascian con sia gran statues oramai cognosciudes ence foradecà é stat envià a la esposizion internazionèla de operes a l’averta »Bad RagARTz«. L’inaudazion é ai 4 de mé.
Galaria retrac
View the embedded image gallery online at:
https://www.lausc.it/atualite/27009-matthias-sieff-a-la-trienala-de-scultura-de-bad-ragaz-prejent#sigProId619e6ec61f
https://www.lausc.it/atualite/27009-matthias-sieff-a-la-trienala-de-scultura-de-bad-ragaz-prejent#sigProId619e6ec61f