La Usc di Ladins

La musiga dëida resté jogn
En doman sabeda ai 11 de ma dales 20:30 él la Musiga da La Val che tëgn te palestra de paisc so conzert d’aisciöda
Sot la direziun de Stephan Ploner vëgnel porté dant n program cun 8 toc. Le conzert vëgn daurí cun »Sympatria« de Thomas Asanger, por jí inant cun le »Tannhäuser Festival« de Richard Wagner (ar. Alfred Bösendorfer) y »Aura Castrum« de Tho mas Asanger. Tratan la pröma y secunda pert sarál na picia palsa cun suran dada dles onoranzes, por jí inant spo cun la »Hanna Polka« de Fran tisek Keller, »Begegnung« de Kurt Gäble, »A thousand years« de Christina Perry (ar. Jan van Kraey donck), »Aladdin Medley« de Hiroki Takahashi y »Semper iuvenalis« de Günther E. Koch. La Musiga da La Val se conforta da podëi ves saludé.

Conzert d’aisciöda a San Ciascian
Ince chësc ann inviëia la Musiga da San Ciascian a so tradizional conzert

• 
•  

View the embedded image gallery online at:
https://www.lausc.it/manifestazions-y-evenc/27080-manifestazions-atuales-speziales#sigProIddb23c0db4f

d’aisciöda, la sabeda ai 18 de ma dales 20:30, tl salf dles manifestaziuns dla Ciasa dles Uniuns »J.B. Rinna« a San Ciascian
An podará aldí toc tradizionai sciöche i marsc »Spielmannsgruß«, »Oh du mein Österreich« y le marsc da conzert »Sympatria«.
Inant gnarál porté dant »Eiger: A Journey to the Summit« y »Moun tain Wind«. La paleta vëgn com pletada cun cun la musiga da film »The Phantom of the opera« y le toch pop/rock »Bohemian Rhap sody«. La musiga presentará ince »Sla vonic Dance No. 3« y inultima le marsc »San Ciascian«, deventé »inn« dla Musiga y dl paisc da San Ciascian y scrit dal dirighënt Davide Donazzolo. Düc é bel inviá. da gní a d’ascuté sö.

Musiga y amizizia fora por l’isté
Ince en chësc ann se abina indô la Müjiga di Jogn dla Val Badia. Le termo da se scrí ite é ai 15 de ma
Al proiet é inviá a tó pert düc i mituns y dötes les mitans di paisc dla Val Badia, che cun l’ann de scora 2023/2024 stlüj jö le 2. ann d’insegnamënt de n stromënt a fle o dles percusciuns.
I musiconc jogn y les musicontes jones á la poscibilité da soné adöm a n grup de com pagns y compagnes che partësc la pasciun por la musiga, da imparé cosses de basa che reverda le soné y da contribuí individualmënter cun ligrëza, motivaziun y impëgn al bel garaté de n toch musical.
Le proiet mët man cun n workshop da soné de dui dis, che vëgn tigní ai 8 y ai 9 de messé 2024 tla scora primara d’Al Plan. Les proes, che vá spo inant fora por l’isté, vëgn de regola baratades jö danter le salf dles proes dles musighes da La Val, da San Martin y da Badia.
L’organisaziun de chësc proiet se damana sambëgn ince tröpes spëises, insciö vëgnel damané do n contribut de 80,00€ a ce.
Les iscriziuns vëgn fates online (Iscriziun Müjiga di Jogn 2024 (jotform.com) y é davertes cina ai 15 de ma 2024. Sot al link ciafëise informaziuns ciamó plü avisa sön le proiet.
I verdajogn dles musighes dla Val Badia se la conforta da podëi saludé tröc musiconc jogn y tröpes musicontes jones cun gran ligrëza y tröpa motivaziun da soné!

AlenaMënt
A Urtijëi vëniel metù a jì n seminar de n’ena, dai 25 de mei nchin ai 2 de juni, dedicà al „mind training“ (alenamënt dla mënt): cultivé l cuer dla cumpascion y dl savëi
Lama Chokyi Gyaltsen (Mark Webber) purterà dant si savëi tl alenamënt dla mënt y dl’ana tres meditazion mireda, che à tla cultura buddista tibetana n inuem spezifich: Lojong. Sëuraprò uniràl spligà cie che fej mel a nosc vester y cie che l delibereia. Plu inant uniràl nce fat la meditazion de Sarasvati, dea dl nseniamënt, dla scienzes y dla scritura, dl’ert, dla poejia, leteratura, mujiga y dl bal. L seminar ie adatà per chëi che scumëncia y per de tei y teles che se à bele dat ju cun chësta vijion dl mond. L unirà tenì tla rujeneda nglëija ma ciancià sun l mumënt tla rujeneda tudëscia. Priesc: 340 euro per duta l’ena, 45 euro mé per l fin dl’ena. Per nfurmazion plu avisa y per se nuté su pòssen cherdé su Doris al 349/3751747 o scrì a d.unterthurner@gmail.com.

La »rujenedes« di luesc
N ucajion dl Di nternaziunel di Museums mët l Museum Gherdëina a jì na raida a pe sun Col de Flam y sa Sacun cun l linguist storich Dr. phil. Cristian Kollmann, ai 19 de mei dala 9:00 nchin la 12:00
L Museum Gherdëina nvieia a fé na raida su per Col de Flam nchin sa Sacun cun Cristian Kollmann, spezialist de inuemes preromans y co-autëur dl’ultima publicazion data ora dal Museum Gherdëina „Frühes Gröden”. L referënt tla rujeneda tudëscia dajerà spligazions di plu vedli inuemes dla cuntreda de Gherdëina jan de reviers a si forma de uriginn y dl senificat de uniun.
La raida dura 3 ëura y n muev dala 9 daduman dal Museum demez per ruvé ta Stufan y Col de Flam, y da iló inant nchin sa Sacun pra la dlieja ulache l sarà na pitla pausa. Da dedó jiran aut ora y ju a Urijëi. L ne n’ie nia da se scrì ite y n possa tò pert debant. Infos al nr. de tel. 0471 797554.
La manifestazion vën a se l dé en ucajion dl Di nternaziunel di Museums. Porta davierta dala 11 inant nchin la 18. L’entreda ie n chësc di debant.

Mostra de media audiovisuel “Black Box”
La giaurida dla mostra ie si 17 de mei dala 19:00 tl self dla mostres dl Circolo a Urtijëi Urtijëi
La mostra ispireda ala frasa cunesciuda de Arthur Rimbaud, »Ie son n auter« vën metuda ora dal Circolo te na forma de Blackbox, che mostra na selezion de video y films curc, che ti va do ala urità fundamentela che nëus ne son nia dassëui. I video y i films tla Blackbox mostra la diverscità dla relazions danter la persones. Da na ancunteda intima ala dinamiches de na grupa – n vëija mumënc defrënc, interazions y emozions dla persones...
La istalazion sarà da udëi nchin ai 7 de juni, dal merdi nchin al venderdi, dala 17:00 nchin la 20:00 y de sada y dumënia dala 10:00 nchin la 12:00 y domesdi dala 17:00 nchin la 20:00.

Co fá le guern a ciasa
Ai 17 de ma él a San Martin de Tor n domisdé por imparé deplü sön la metoda »Kinaesthetics«, cun Karin Tavella y Nicole Trebo
La Portina por l’assistënza y la cura organisëia en vëndres, ai 17 de ma dales 15:00 ales 16:30, tla Ciasa de Palsa Ojöp Frëina demetz a San Martin, n do misdé sön co fá le guern a ciasa. Al gnará mostré co ch’an pó fá da alisiré i movimënc, co adoré manco forza y fá manco fadia, co fá da se sconé le spiné tratan le laur d’assistënza da vigni de, cun la metoda de »Kinaesthetics« y cun l’aiüt de injins aposta. Le domisdé vëgn tigní dala infermiera Karin Tavella y dal’operadëssa sozio assistenziala Nicole Trebo. Düc é dër bel inviá.

»Ëiles«
Tl Café/Atelier Pinta Pichl a Burnech, tla streda Oberragen 3, vëniel metù a jì na mostra de scultures, dessënies y pitures de Guido Senoner Tinderla. La giaurida ie ai 17 de mei dala 18:00
Guido Senoner Tinderla se à da jëunn incà dat ju cun l dessëni y la scultura, dantaldut dl corp dla pesona. Do la Scola d’Ert se àl furmà tla “Hochschule für Angewandte Kunst” a Viena y tla “Accademia delle Belle Arti” de Urbino. La belëza dl corp desfurnì à na gran forza de atrazion, l mostra na persona zënza travestimënt, senziera y rëidla. Uniuna ie unica, atrativa, da plajëi y mostra si grazia feminila.
La mostra resterà davierta nchin ai 6 de juni, dal lunesc nchin al vënderdi, dala 08:00 nchin la 20:00 y de sada dala 08:00 nchin la 18:00.