La Usc di Ladins

Enstadì l’Agenzia provinzièla per i apalc e i contrac (APAC) à publicà su Contracta la gara per i lurieres de restruturazion del Pont de Lejia, l pent sun stradon de Fascia a Sèn Jan anter l Garnì Bucaneve e l Hotel Dolomiti.
L é da egn che vegn domanà l intervent de restruturazion de chel pent strent e malsegur. De oril del 2023 l conseier Guglielmi à fat a saer che l vizepresident Tonina confermèa l finanziament de 2 milions de euro per l intervent sul Pont de Lejia e del projet l era stat enciarià l projetist da Moena enjegner Fabio Ganz.
L projet, per n import ametù a la gara de apalt de 1.427.449,02 euro (zenza Iva), perveit che vegne fat su na neva soleta de peton sul pent de ades che no porta più nia e donca sotite vegnarà fat na lingia de micropai per tegnir su l peis. Vegnarà slarià l pent fin a 8 metres con n marciapé da 1,80 metres sun duta doi la pèrts con en or su l guardrail per garantir maor segureza a la jent che passa sul pent.

De più su La Usc stampèda de en vender ai 10 de jené.