La Usc di Ladins

Posses’a n curt te prejenté?
Mi inuem ie Candelaria Bettella. L cuinuem ie talian, davia che mi besavon fova de Padova. É 39 ani, son nasciuda a Buenos Aires y chersciuda su, 150 km plu a nord, a Salta. Da jëuna sons jita a sté dla Sierra Nevada da mi uem. Deberieda ons trëi mutons y son maestra de spanuel. Da l ann passà d’autonn va nosc mutons tlo te Gherdëina a scola.

Co pa chël che cun ti familia sëis ruvei a sté te Gherdëina?
Nëus son stac doi ani a Tarvisio, iló à nosc mutons fat doi ani de scola. Y śën sons tlo per l segondo ann te Gherdëina.

Y cie ie pa per té carateristich de Gherdëina?
Canche son unic tlo adalerch nes ova trueps dit: »Sëis bën da mené picià sce jëis te Gherdëina, che chëi ie tan stluc y daulëimel«. Ma a mi me sàl unfat cie che i autri dij. Nce de nëus dl’Argentina diji che ne son nia da tenì ora, ajache rujenon de massa y bravon tan. Ma la ne n’ie pu nia nscila. Y nscila fòvela nce tlo da vo. Te Gherdëina éi cunesciù truepa de bela persones. Povester dùrel mpue plu giut nchin che i te gëura la porta, ma canche i l fej, pona per for. Tlo nes à la jënt for judà. (Elisabeth Kostner)

De plu tla edizion stampeda de La Usc di Ladins o sun l e-paper a paiament www.lausc.it/e-paper