"Sce al n’é nia la cripele, n’él nia Nadé!"

Data

24 de dezember 2024

Galaria retrac

Grandeza scritura

Social

Al é öna dles cripeles plü demorvëia ch’i á odü: chëra tla ciasa de Albin Feichter d’La Pli. Na contrada de so paisc, en gröm de detais, en lalt al mistêr dal Nadé. Belo eniann de jená sunse jü a le ciafé, y encö – Vëia de Nadé – pói finalmonter s’la mostré

Pa chi co tin alalt le tomp da Nadé – y tló mini dalunc dal fracac, dales löms co zilorëia y dla musiga kitch co rondenësc te vigne piz – ne pó la cripele nia mancé. Te trepes ciases vëgnera ciamó arjignada, t’en ciantun o dlungia lën da Nadé. Valgünes porsones á endere fat d’enfora deplü co ma na tradiziun; al é na pasciun co i acompagnëia feter döt l’ann. Ensciö ésera ince tla ciasa de Albin Feichter a La Pli, olache an pó aprijé öna dles cripeles plü demorvëia ch’i á mai odü.
Al ea la vëia de Santabogna, ai 5 de jená 2024, ch’i sun jü a ti cia- ré, con l’orenté da scrí l’articul che i tignîs śën tles mans. Al m’ea bën gnü dit che al foss sté na cripele particolara, mo mai ne m’essi em- ponsé da odëi ci che i á spo odü. Albin s’â arjigné ca endortöra a nosta encuntada. Belo canche i variâ da üsc ete, rondenîl le »Transeamus«, y spo ái empormó odü dan da me le früt de agn y agn de laur y pazion- za. La cripele de Albin s’adora bun mesa la stöa. Con 3,30 metri de lunghëza, 1,30 metri de profondité y 1,10 metri de altëza él propio na dërta contrada da Nadé. Ara é ponüda sora canape ca y döt le gherist é stopé ia da en drap de sëda cola scrita »Gloria in excelsis Deo«. Albin mët man da cunté.

Deplü sön la cripele de Albin Feichter podëise lí y odëi t’La Usc di Ladins dai 24 de dezëmber

(pablo)