La Usc di Ladins

Stimades leturies y stimá leturs. N ann s’arjigna indô da jí a piz y sce i sëis aboná a nosc foliet, ëis poester bele ciafé a ciasa le boletin. Sambëgn sperunse ch’i podunse cunté inant sön Osta fedelté y i periun bel da le paié ite por tëmp. Al nes desplej – por os y ince por nos – che al sozed bindicé che le foliet ne röia nia puntualmënter te ciasa. Scialdi él deache la Posta ne sciafia nia da conduje fora La Usc puntualmënter – por groaries o ciaresties de personal. Tres indô reclamunse y ti stun do.
Por limité le plü che ara vá chësta groaria, o la tó demez daldöt, ves pitunse na promoziun particolara: La Usc di Ladins stampada y la verjiun digitala E–paper por döt l’ann, al prisc spezial de 100,00€, tan co 2 euro a ediziun. Insciö ciafarëise inant La Usc sön papier, y sce chësta ne gniss nia dagnora puntuala le vëndres, la ciafëise dër dessigü sön le digital. Anuzé chësta promoziun é dër scëmpl. Sce i ëis bele paié ite l’abonamënt tla banca, podëise injunté l E–Paper d’La Usc con ma 25,00€ implü. Chi che n’é nia ciamó aboná, pó fá l’abonamënt a La Usc stampada y al E–Paper al prisc de 100,00€ por döt l’ann. Por descurí les poscibilités, jide sön
https://www.lausc.it/abonament-e-paper-la-usc-di-ladins

Por ti ciaré a La Usc digitala podëise dedô jí sön lausc.it y druché sön "Login", jon ite cun üsc dac de azes. L E–Paper é deplü co ma n abonamënt digital. Al ves deura ince les portes al archif de dötes les ediziuns d’La Usc dala fin dl 2007 fina sëgn. Porchël podeise ince chirí fora articui dl passé che ves interessëia, o cuché ite ci che al gnô scrit dan da 5, 10, 15 o deplü agn.

Sce i ëis debojëgn de aiüt por la registraziun, podëise cherdé sö Veronika Insam al 0471 797199 o storje pro tles redaziuns.  (pablo)