La Usc di Ladins

Ai 22 y ai 23 de dezëmber vëgnel metü a jí döes gares de Copa dl Monn de schi alpin – n slalom lerch y n slalom strënt, che é indô sön le program de gares dla FIS. Le slalom lerch é na tradiziun por düc i gragn campiuns de schi, le slalom strënt é na disciplina che é stada söl program dal 2006 al 2011 y spo tl 2024.
Sëgn él indô l’ocajiun da podëi vire döes disciplines desfarëntes sön la Gran Risa, te n momënt storich dl schi. Por conësce plü avisa ci che chësc ó dí a livel de preparaziun dla pista, unse albü l’ocajiun da s’la cunté cun Florin Sorarú, vizere­ sponsabl dla pista.

Bun de Florin. Che este pa, co é pa nasciüda tüa pasciun por

• Döt le grup de laur che arjigna ca la pista dla Gran Risa por la Copa dl Monn.
•  

View the embedded image gallery online at:
https://www.lausc.it/sport/28532-do-les-coltrines-dla-gran-risa#sigProId884a0e760e

le monn dl schi y cara é pa tüa inciaria sön la Gran Risa?
Bun de! Iö sun, sciöche an dij tan bel, giat da La Ila da canche i sun nasciü y chël é sté dan da 33 agn. Crësce sö amesa nostes munts me á dessigü consintí da vire da pice insö le schi, giulan ince ala pasciun de mi pere y mi nene por chësc monn. I á instës albü la poscibilité da fá gares de schi, denanco deventé maester de schi, spo alenadú y istrutur nazional. La Gran Risa ái dagnora odü da mia finestra de ciamena fora; fá n de la gara de Copa dl Monn ê mi some da pice insö. Baldi ne sunsi nia rové tan inant, mo la inciaria che i á l’onur de porté me dá dessigü gran sode­ faziun da n ater punt de odüda. Adöm cun mi compagn René Pitscheider y i colegs Luca y Claudio Tiezza se cruziunse da organisé al miú le laur por arjigné ca a pontin la pista por la gara de Copa dl Monn cun döt le grup de laur, le »GLM« sciöche i dijun danter nos.

La Gran Risa vëgn conscidrada öna dles pistes plü ries de döt le monn. Ciodí é pa chësta pista tan chirida y aprijada?
I pënsi che por düc nos él n onur da aldí che na pista é tan chirida da düc i campiuns y che ara é danter les pistes plü conesciüdes dl monn. Personalmënter pënsi che al sides deache al é na pista »naturala«. Basta ciaré ala desposiziun dla pista, cun tröpes otes y i gragn ërc, döes particolarités da bestia interessantes, che se barata jö döt le tëmp ti jon do a ci che la natöra â formé inlaota. Les tröpes otes tla pista ne ti conzed nia de gragn punc de referimënt ai atlec y al se barata tres indô jö la prospetiva. Implü él i gragn ërc che damana tröpes forzes y al é detais



tecnics che nos un la fortüna da vire en pröma porsona: la preparaziun, o sciöche an alda sovënz la »barra­ tura«, por garantí les mius condiziuns.