La Usc di Ladins

L’ativité dla Musiga da Rina á metü man al 31 de jená 2024 cun la pröma proa. Le conzert d’aisciöda che é gnü tigní ai 4 de ma é indô sté n gran suzes – nia ma por ci che reverda la pert musicala, mo dantadöt ince deache tan tröc é gnüs a s’ascuté sö. Do da val’ edemes de palsa miritada, se á spo la Musiga indô abiné por s’arjigné ca ales festes de dlijia. Ai 2 de jügn él gnü abelí la festa dles Antlés, ai 9 de jügn unse festejé le Sacher Cör de Gejú; do la mëssa y prozesciun unse soné val’ marsc sön paiun.
Ai 28 y 29 de jügn él gnü tigní la segra dl paisc, na festa olache jënt di atri paisc y valades röia ion adalerch a se mangé val’ bun bocun y sté adöm. L’ativité dla Musiga é spo jüda inant cun val’ conzerc d’isté. Danter i apuntamënc dl altonn toca la sentada generala, olache al é gnü lité danü le consëi.

Deplü nes cunta Anita Sottrovisch t’La Usc di Ladins di 19 de dezëmber