En sabeda ai 7 e en domenia ai 8 de dezember la sociazion Smeraldo Ice Team Val di Non à endrezà la garejèda intersozièla de fascia bronze, 5° Trofeo Ghiaccio Smeraldo tel stadie de la giacia de Fondo, tel comun de Borgo d’Anaunia. Na competizion che à vedù jir su la giacia bec e bezes dai 7 egn en su, e zachei à podù se sproèr per la pruma outa te na garejèda dedant al publich.
A tor pèrt l é stat ence n bel grop de balarines e balarins ladins, del Eisclub Gardena A.s.d e del Val di Fassa Artistico Ghiaccio, con gran sodesfazion e ence vèlch resultat de ezelenza.
La doi più picoles, Mariasole Ninz da Fascia e Nina Victoria Perathoner da Gherdena, de 8 egn, les à garejà te la categoria Esordienti A vadagnan duta does la 13^ posizion.
Te la categoria Esordienti B tacon dai bec, olache troon al prum post l fascian Alessandro Pezzei, clas 2014, e anter eles sia sor Sara, restèda tanche ju dal podie, al 4° post. Chisc doi jomelins somea jir con bon ejit do la pedies del fra maor, Giovanni.
De più su La Usc stampèda de en vender ai 13 de dezember. (Lucia Gross)
De bie podies ladins a Fondo
Data
15 de dezember 2024
Grandeza scritura
Social
N bel grop de atletes e atlec de Fascia e Gherdena à tout pèrt al Trofeo Smeraldo, intersozièla de fascia bronze: medaa de or per Alessandro Pezzei e Veronica Pitscheider e desvalives etres podies,
