La Usc di Ladins

Religion
21.12.
»Jesus, Kids & Teens«
Per mutons y mutans dala terza elementera: n fajerà de biei workshop, adurazions, l sarà nce aurela curta cun de­­­vertimënt y muvimënt, chiet y reflescion, referac nte­ressanc. N se anconta te calo­nia de Sëlva, tla sala dla Schie­ra Junila, ai 21 de dezëm­ber dala 16:30 inant.

Dotours
Dutor Gherdëina
L dutor de servisc da n sada ai 14.12. dala 08:00 daduman nchin la 08:00 daduman de n lunesc ai 16.12. ie l dutor Pablo Policastro tl ambula­tuere di dutores Kostner/We­ber, a Urtijëi tla streda Tre­binger 10, tel. 366 3646 254.
Doturs Val Badia
Tla fin dl’edema di 14 y 15 de dezëmber él en sorvisc ti comuns de Mareo y San Mar­tin la doturia Stefania Febbra­ro, Al Plan, tel. 377 3288595. Ti comuns de Badia, Corvara y La Val él en sorvisc le dotur Alberto Caretta, Badia, tel. 0471 839706 o 380 3161999.

Apoteches
Apoteca Gherdëina
L’apoteca de servisc ora dl orar urdiner de giaurida da n sada ai 14.12. nchin n vënderdi ai 20.12. ie chëla de Fie, tel. 0471/725373 (orar: 8.30-12.30/15.00-19.00, sada 8.30-12.30, stlut mierculdi domesdì. Turnus: sa. 8.30-12.30/16.00-19.00, du. 10.00-12.00).
Apoteca Val Badia
L’apoteca en sorvisc fora dl orar ordinar, dal vëndres ai 13 de dezëmber dales 19:00 al vëndres ai 20 de dezëmber ales 19:00, é chëra da La Ila, tel. 0471 847152.

Avisc
Atualmënter
Iniziativa di ëi de Puster – MIP
L’ofize dla MIP – Männer­initiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lö­nesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it
Atualmënter
Na uniun nöia: »Club Tirol Ladin«
Tal Val Badia él gnü metü sö na uniun nöia, le »Club Tirol Ladin«. Les porsones pó se scrí ite. Chi che adora infor­maziuns plü menüdes o che ó fá l’iscriziun, pó contaté la sura­stanta Claudia Tolpeit al 333 7291926, tla botëga »Pe­deroa Hill« a Pidrô.
Atualmenter
Marcià de guanc duré
Enscin ai 21 de dezember, da les 14:30 a les 17:30 duc i dis fora che la domenia, l é avert l marcià de guanc duré te oratorie de Poza, olache se pel cerner e portèr massaria neta e ben tegnuda. Chel che vegn ite va per solidarietà e atività de la parochia.
Atualmenter
I oraries de Pedies
Se pel veder Pedies sul canal 10 de la televijion Trentino TV, de sabeda da les 18:00 , de domenia da les 13:30 e de lunesc da les 11:30. Con Smart TV sul medemo canal l é semper a la leta orian co la friza en su i sotcanai HBBTV, sot la ousc TML. Duc i video e filmac dac fora dal Comun General é ence sul canal Tv Ladina de Youtube.
Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauen helfenfrauenbruneck.it
Uni lunesc
La Coa: ancuntedes per genitores
Uni lunesc dala 09:30 nchin la 11:00 puderàn se ancunté tl local Matada a Urtijëi per sté deberieda danter mu­tons:ans, mamis y tatis y chi che deventerà tosc genitor. Sëuraprò saràl l mesun de damandé cunsëies ala espertes Karin Planker y Linda Fa­conti. L cost ie de 5€ per cumëmbri dla Lia Gaia.
13.12
Open day ai Licees de Fascia
Anché, vender ai 13 de dezem­ber da les 14:00 a les 17:00 i studenc e i dozenc del Liceo di lengac, scientifich e artistich de la Scola Ladina de Fascia ve speta per ve moscèr la scola, i laboratories e i desvalives projec che vegn portà dant.
13.12.
Estrazion di pesć dla lotaria da Nadel
N vënderdi ai 13 de dezëmber dala 18.00 sun Plaza Nives te Sëlva uniràl trat ora i prim doi pesć da 1000 € l un dla lotaria da Nadel metuda a jì dai buteghieres de Gherdëina. L pest unirà mé sëurandat a chëi che ie prejënc iló.
14.12.
Prejentazion dla scuadres dl Schi Club Gherdëina
L Schi Club Gherdëina nvieia a la prejentazion dla scuadres de duta la disciplines sportives, di/dla trainadëures y dl cudejel dl ann nuef, n sada ai 14 de dezëmber dala 18:00 sun plaza Stetteneck a Urtijëi.
14.12.
Cater sauc coi conscric
Doman, sabeda ai 14 dezem­ber da les 20:00 te sala grana del Istitut Cultural Ladin, vegn endrezà na scontrèda coi conscric del 2006 per em­parèr dotrei bai de la tradizion col Grop Folk de Cianacei. A tor dant i conscric sarà ence la istituzions del teritorie.
14.12.
Demustrazion: make tourists pay
La Lia per Natura y Usanzes mët a jì na demustrazion ai 14 de dezëmber dala 16:00 sun Plaza S. Antone a Urtijëi: l se trata nia de na demustra­zion contra l turism, ma per na tassa de mubltà de 2€ da pert di turisć, acioche l tras­port publich posse unì nuzà debant da duc chëi da tlo.
14.12.
Marcià da Nadel di artejans
La Lia per Natura y Usanzes mët a jì n marcià da Nadel di artejans dl luech, cun cosses fates a man: n sada ai 14 de dezëmber dala 9:00 inant, tl foyer dla Cësa di Cungresc a Urtijëi.

Sport
15.12.
Memorial Elke Pastore
En domenia ai 15 de dezember sun Aloch l é la garejèda de slalom strent de ic Memorial Elke Pastore. Pruma manche da les 10:00 e seconda manche da les 13:00.
20.12.
Super-G di ëi
Ai 20.12. ie l purtoi Saslonch resservà defin per l’elite dl sport dai schi: la garejeda dl Super-G de Copa dl Mond scumëncia dala 11:45.
20.12.
Premiazion dl super-G y estrazion di numeri per l start dla libra
N vënderdi ai 20.12. sun Plaza de Sant Antone a Urtijëi: dala 17:45 inant saràl la premiazion dl super-G y l unirà trat ora i numeri per l start dla libra.
21.12.
Fis Ski World Cup–libra di ëi
La garejeda de libra sun l purtoi Saslonch sarà n sada ai 21.12. dala 11:45 inant.
22.12.
HC Gherdëina vs. HC Meran
Tl stadio Pranives de Sëlva saràl ai 22 de dezëmber dala 20:30 la partida dl campiunat AHL (Alps Hockey League) danter l HC Gherdëina y l HC Meran.

Mostres y Ert
Atualmënter
Magia dla nuet
Tla galaria Vijion a Puntives iel metù ora na mostra dal titul »magia dla nuet«, che resterà davierta nchin ai 21 de dezëmber, dal lunesc nchin la sada dala 16:00 nchin la 19:00, o cherdan su l 338 2098697.
26.12-06.01
Mostra te Comun de Pardac
Tel chèder del percors »Dis­play« de la Fondazion Caritro, te Comun de Pardac dai 26 de dezember ai 6 de jené duc i dis da les 16:00 a les 19:00 se pel veder la mostra »Immer­sione nel colore«, con operes de Daniela Bernardi, Maria Pia Desilvestro, Valentina Michelutti e Franco De Nadai.

Mujiga
13.12.
Corni da mont de Sëlva: Meludies da Nadel
I Corni da mont de Sëlva sunerà de bela meludies da Nadel sun Plaza Nives te Sëlva, n vënderdi ai 13 de dezëmber y n mierculdi ai 25 de dezëmber dala 17:00 inant.
13.12.
Cunzert de Benefizënza
Tla dlieja de San Durich a Urtijëi vëniel metù a jì da de­plù grupes dl luech n cun­zert de benefizënza, n vënderdi ai 13 de dezëmber dala 20:00.
14.12.
Cor Runcadic: Cunzert d’Avënt
L Cor de Runcadic purterà dant n cunzert d’Avënt dal titul »L tëmp chiet«, n sada ai 14 de dezëmber dala 18:00 tla dlieja de S.Ujep a Runca­dic.
14.12.
Conzert de musega sarda a La Grenz
En sabeda ai 14 de dezember da les 21:00 te la senta de La Grenz a Moena te strada Saslonch 56, conzert del grop folk da la Sardegna »Symponia in pratza«: Elisa Marongiu ousc, Luigi Cordeddu organet, Asael Camedda chitara, Fabio Carta bateria e Jonathan della Marianna launeddas. Entrèda debant con tessera ARCI.
14.12.
Nadel te Sëlva: i Helios cianta
Sun Plaza Nives te Sëlva da­jerà la Grupa Helios n bel cunzert, n sada ai 14 de de­zëmber dala 17:00.
14.12.
Meludies d’Avënt cun l cuartet »De Cater«
L cuartet »De Cater« cianterà tl zënter de Urtijëi, n ai 14 de dezëmber dala 11:00 inant.
14.12.
Conzert de la Böhmische de Vich
Doman, sabeda ai 14 de de­zem­ber da les 17:00 sa Vich lo dal picola marcià da Nadèl, l é l conzert de la Böhmische de Vich.
14. y 15.12.
Na storia da Nadé musicala y moderna
»Send Jesus Today« se tlama na storia da Nadé musicala y moderna, che vëgn portada sön paladina a La Ila, en sabeda ai 14.12. dales 15:00 y dales 20:00 y en do­mënia ai 15.12. dales 15:00. Prenota­ziuns sot al link https://bit.ly/sendjesustoday
15.12.
Nadel te Sëlva: VOXacord
L cuartet a-capella »VOX­acord« cianterà sun Plaza Nives te Sëlva, n dumënia ai 15 de dezëmber dala 17:00.
15.12.
Mattia Demetz sona l’armonica
Mattia Demetz sunerà de bela meludies sun si armonica n dumënia ai 15 de dezëmber dala 11:00 inant, sun Plaza Stetteneck a Urtijëi.
15.12.
Nadel Urtijëi: Cor di mutons
Tl zënter de Urtijëi puderàn scuté su de bela cianties dl Cor di mutons de Urtijëi, n dumënia ai 15 de dezëmber dala 17:00 inant.
16.12.
Cunzert dl’Urchestra Haydn
N lunesc ai 16 de dezëmber dala 20:00 nvieia i Jëuni de Mujiga de Gherdëina al cun­zert dl’Urchestra Haydn cun Marco Pierobon (direzion y tumbrëta), tla Cësa di Cun­gresc a Urtijëi. Chertes danora giàpen tla Lies per l Turism de Gherdëina o nce pra la cassa che gëura mes’ëura dan l cunzert.
16.12.
Nadel Urtijëi: Scola de Mujiga de Gherdëina
Sun Plaza Stetteneck a Urtijëi puderàn scuté su de bela cianties y mujiga dla Scola de Mujiga de Gherdëina, n lunesc ai 16 de dezëmber dala 17:00 inant.
18.12.
Conzert da Nadé dla Scora de musiga
La Scora de musiga Val Badia inviëia bel al conzert da Nadé, en mercui ai 18 de dezëmber dales 17:30, te dlijia de Badia. Scolares y scolars portará dant cianties y melodies dl tëmp da Nadé.
19.12.
Tlecanoht Urtijëi: Cor di Jëuni
N juebia ai 19 de dezëmber cianterà l Cor di Jëuni de Ur­ti­jëi de bela cianties n uca­jion dla Tlecanoht: dala 18:00 inant tl zënter de Urtijëi.
20.12.
Conzert da Nadèl de gejia de Pera
En vender ai 20 de dezember da les 21:00 te gejia de Pera conzert del Pentagramma coi cores Young Singers e Note Blu e la cobia Felicetti-Das­sala, sot la direzion de Ilario Defrancesco e con compa­gnament al piano de Marika Bettin e Matteo Scalet.
20.12.
Meludies d’Avënt cun l cuartet »De Cater«
L cuartet »De Cater« cianterà sun Plaza Nives de Sëlva, ncuei vënderdi ai 20 de de­zëmber dala 16:30 inant.
21.12.
Mountain Christmas: Cor di Mutons de Sëlva
Sun Plaza Nives te Sëlva puderàn scuté su de bela cian­ties dl Cor di mutons de Sëlva, n sada ai 21 de dezëm­ber dala 17:00 inant.
21.12.
Nadel Urtijëi: Duo de cornamuses
Tl Zënter de Urtijëi puderàn scuté su n bel cunzert dl duo de cornamuses dla Val Badia, n sada ai 21 de dezëmber dala 11:00.
21.12.
Nadel Urtijëi: mujiga cun Elena & Elisa
Sun Plaza Stetteneck a Urtijëi puderàn scuté su la grupa Elena y Elisa, n sada ai 21 de dezëmber dala 17:00 inant.
22.12.
Meludies d’Avënt cun »I Rujins«
»I Rujins« cianterà sun Plaza Nives de Sëlva, n dumënia ai 22 de dezëmber dala 17:00 inant.
22.12.
Nadel Urtijëi: Cor di ëi
Tl zënter de Urtijëi cianterà l Cor di ëi de Urtijëi de bela cianties da Nadel, n dumënia ai 22 de dezëmber dala 11:00.
22.12.
Nadel Urtijëi: mujiga cun Carmen y Marion
Sun Plaza Stetteneck a Urtijëi puderàn scuté su Carmen y Marion che cianterà y sunerà, n dumënia ai 22 de dezëmber dala 17:00 inant.

Temp Lede
Atualmënter
Juech y devertimënt per mëndri:es
Sun la pitla plaza de S. Antone a Urtijëi mët la Schiera Junila de Urtijëi a jì n program de aurela curta per mutons:ans: uni vënderdi y dumënia dala 17:00–18:00. Ncuei, 13.12. puderàn pastelné decurazions per lën da Nadel, ai 15 uniral fat juesc y ai 20.12 cianteràn deberieda.
Atualmënter
Marcià da Nadel te Sëlva
L Marcià da Nadel te Sëlva sarà daviert uni di nchin ai 5 de jené, dala 15:00 nchin la 19:00.
Atualmënter
Luech da Nadel a Urtijëi
L marcià da Nadel tl raion da jì a pe de Urtijëi sarà daviert nchin ai 5 de jené. Coche nce i ultimi ani saràl de plu butëi­ghes che meterà ora si marcan­zies y nce vel’ stont ulache n puderà se maië y bever zeche. I oreres de giau­rida ie da abiné sun valgardena.it
Atualmënter
La Val: Ala descurida dl paisc
Na ciacia al tesur particolara condüj fora por le paisc da La Val. Tratan döt l’invern pón tó pert a na spazirada in­terativa. Deplü indic y do­mandes daidará i partezipanc da ciafé le tesur. Na ocajiun olache an pó ince descurí tröpes coriosités dl paisc. Infos y materiai da pié ia ciafon tl ofize turistich a La Val.
Atualmënter
La Val slomina tla nöt
A La Val vëgnel daurí vigni de dales 17:00 na finestra de n calënder d’Advënt particolar, pro na ciasa tl zënter – da odëi cina ai 6 de jená. Ti trëi apuntamënc, le vëndres dales 19:00 inant y la sabeda dales 18:00, pón se gode n gote de vin cöt cun musiga dal ví. Ai 13.12. sona Victor y Paolo, ai 14.12. i »Weisenbläser« y ai 20.12. le duo »Gota«.
Atualmënter
Marcé da Nadé a Corvara
Le marcé da Nadé a Corvara deura dai 13 ai 15 de dezëmber y spo dai 20.12. inant fina ai 6 de jená, dales 16:00 ales 19:00. Pro deplü üties ciafon boandes cialdes y ince produc de artejanat local. Ai 13.12. dales 17:00 inant sona le grup »Hush Puppies«, ai 20.12. sona Mattia Lezuo.
Atualmënter
Nadé te plaza a San Ciascian
Le paiun de paisc i fej da cor­nisc al »Nadé te plaza« a San Ciascian, dai 13. ai 15.12. y spo dai 20.12. inant fina ai 6 de jená, tres dales 16:00 ales 19:00. En domënia ai 15.12. dales 18:00 sona la Musiga da San Ciascian. Implü po­darán ciarcé spezia­lités dl post y cumpré produc fac a man.
13. y 20.12.
Adöm te plaza a Badia y La Ila
Ai 13 y ai 20 de dezëmber dales 18:15 ales 20:00 él sön plaza dan dlijia de Badia musiga da Nadé cun val’ de cialt da bëre y na jopa. Ai 13 cianta le cor di mituns y n terzet, ai sona 20 i »Turmblä­ser«. »Adöm te plaza« é ince a La Ila, pro paiun, ai 13.12. dales 18:00 ales 21:00, cun i corgn da munt Sassongher.
14.12.
Gourmet Skisafari
En doman sabeda ai 14 de dezëmber vëgnel tigní te cin’ üties dl’Alta Badia le Gourmet Skisafari, oalche an pó ciarcé taís de coghi renomá. Adöm ales derzades pón ciarcé n gote de vin de Südtirol. Les chertes ciafon ti ofizi turistics, online o en chël de tles üties che fej para. Posć limitá.
15.12.
Paslunch: de dla porta daverta
En domënia ai 15 de dezëmber él le de dla porta daverta tl zënter de paslunch Alta Badia a San Ciascian. Dales 10:00 inant pón porvé fora l’ativité, tolon pert ince a n curs. L’en­trada, l’imprëst dl’atre­za­döra y le curs é debann. Al é da se scrí ite sön https://scuolafondo.it/it/openday paian na cauziun de 20,00€.
16.12.
Pastelné per Nadel
Tla biblioteca de S. Durich a Urtijëi uniràl pastelnà roba da Nadel cun mutons y mu­tans: n lunesc ai 16 de dezëm­ber dala 15:00–17:00.
19.12
Nos Ladins cun Daniel
Cun »Nos Ladins« án la posci­bilité da descurí deplü sön le monn ladin y i mistiers de nosta jënt. En jöbia ai 19.12. dales 14:00 ales 16:00 cun l’artejan Daniel Frenes a Pidrô, pón porvé fora de vigni sort de laurs cun produc naturai y dl post y se fá instësc valch da se tó para. Iscriziuns online o ti ofizi turistics dl’Alta Badia.
21.12.
Chino da Nadel
N sada ai 21 de dezëmber dala 10:00 uniràl mustrà n film da Nadel tla biblioteca de S. Durich a Urtijëi. L sarà n film per tudësch y adatà a mutons y mutans dai 6 ani insù.

Sozial
Atualmënter
Picolin: portina por l’assistënza y cura
La Portina por l’assistënza y cura é daverta trëi iadi al’ede­ma: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun soziosanitar a Picolin, tl’alzada a tera sön la man ciampa. Chiló vëgnel dé informaziuns y sostëgn por les chestiuns che reverda le guern y l’assi­stënza.
Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de refe­rimënt é Hubert (tel. 339 1698343) y Methilde (tel. 335 6977604).
Atualmënter
Bancarela dl mangé a Badia
La bancarela dl mangé é daverta vigni secunda jöbia, dales 9:30 ales 10:30. Le pro­scim termin é ai 19 de dezëm­ber. Al vëgn dé fora da mangé a dötes les porsones dla Val Badia che á debojëgn.
Atualmënter
Ciamena dal guant a La Ila
La Ciamena dal guant »Neo­res« a La Ila é daverta vigni vëndres dales 14:00 ales 15:30. An pó dé jö guant y cialzá nia roviná y nëc por mituns da 0 a 14 agn, sciöche ince tasces da scora, elms da jí cun la roda, panolins. An pó spo se tó ci che an adora, por na spënora de 1,00€ por vigni toch – che vá a fin de bëgn.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).

Teater
Atualmenter
Rassegna de Teater Ladin
Insnet, vender ai 13 de dezem­ber da les 20:30 te PalaDolo­mites de Ciampestrin i atores de la sociazion Antermoia porta dant »La eles de Dio­niso«; sabeda ai 14 da les 20:30 te teater de Cianacei e dome­nia ai 15 da les 16:00 te Orato­rie de Moena i Amisc del Teater de Moena porta dant »Locdàun«.
15.12.
Recital de Nadèl a Poza
En domenia ai 15 de dezember da les 15:00 te Teater del Ora­torie de Poza , recital da Nadèl »Maranatha. Vieni Signore Gesù! Ma tu sei pronto?« ren­curà da volontères de la paro­chia e monies.
19.12
A teater fora Tieser
Per la sajon teatrala de Fiem, en jebia ai 19 de dezember da les 20:45 te teater de Tieser , la Pequod Compagnia de Trent porta dant »Compar­timos. Un sogno chiamato Argentina« dal viac de Maria Vittoria Barrella, con Vittoria Barrella, regia de Maura Pettorruso.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
17.12.
Deboriada
Dales 20:50 ca. Program de Ivan Senoner y Georg Penn, a cura de Leo Senoner.
18.12.
Trail spezial
Dales 20:50 ca. A cura dla redaziun.
19.12.
Nadé – Natale – Weihnachten
Dales 20:20 ca. Le program da Nadé de RAI Südtirol, RAI Alto Adige y RAI Ladinia röia en chësta ota a Lana. Tl Urt di Capuzins inforní da festa, gnarál cunté dla tradi­ziun y dla storia dl post, ti lascian tröpa lerch ince a melodies da Nadé y a ghesć cun stories demorvëia. Ales­sandra Tortosa, Gertrud Prenn y Sara Frenner condüj la sëra en direta te trëi lingac.

Radio
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
17.12.
Dolomiti Superski 2024/25
Dales 13:45. Cun l diretëur dl cunsorz Dolomiti Superski Thomas Mussner, tulons sot al udlon la sajon dai schi che va a scumencé. Program, nu­­viteies y prospetives per l inviern che nes aspieta sun i purtois dai schi dla Dolomites. Conduzion Leo Senoner.
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
14.12.
Momënc de vita: intervista a Denni Dorigo
Dales 19:05. Denni Dorigo é le diretur dl Istitut Cultural Cesa de Jan, istitut che se crüzia da mantigní y valorisé la cultura y le lingaz ladin a Fodom, Col de Santa Lizia y Ampëz. Le diretur nes cunta dl’ativité dl Istitut, di muda­mënc che an ará tl 2025 y de sües vijiuns y dejiders por le dagní dla cultura ladina. N program de Erika Castlunger.
15.12.
I disturbs dl suenn
Dales 19:05. Ultimamënter iel unì fat te Südtirol na nre­scida ncont dl suenn, de coche la jënt dorm. L dutor Simon Kostner analisea i resultac y nes stlarësc ciuldì che i de­sturbs dl suenn possa nce vester la gauja de vel’mala­tia. Oradechël nes vëniel dat cun­sëies coche n fej a durmì saurì y coche n possa curé chisc desturbs. Trasmiscion de Ste­fano Zanotti.
16.12.
Calënder de Gherdëina 2025
Dales 19:05. Prejentazion dl Calënder de Gherdëina, la publicazion anuela dla Union di Ladins de Gherdëina che mët a lum la ntraunides y situazions de majer nteres dla valeda de Gherdëina ntan l ann che va a piz. Cunscide­razions cun Sofia Stuflesser, presidënta dla Union di La­dins de Gherdëina. Program a cura de Leo Senoner.
18.12.
Jent da zacan: Valeria Valentin e Betty Sommavilla
Dales 19:05. Doi eles che à lascià pedies sotes e vivù mo­menc particoleres fora per l mond. Valeria Valentin endena la ditatura de Pinochet tel Cile l’à didà a sciamper jaco­tanta persones tant che da zeche ora l’à cognù sciam­per ela enstessa dal Cile per no ge la jonter. Betty Somma­villa enveze à didà a meter en pè la pediatria de Kimbondo tel Congo olache la é jita sche missionaria laica do la pension. Program de Anna Mazzel e Anelise Vian.
19.12.
Zachei Zaolà: Sabrina Da Col
Dales 19:05. Te chesta neva puntata de Zachei Zaolà, dessema a l’arcedadora de la FISDIR Sabrina Da Col, jon a descorir l mond del sport vedù tras i eies de la persones con pedimenc. Program de Cinzia Pistoia.
Informaziuns plü menüdes sön i programs radio y televi­jion de RAI Ladinia pôn ciafè sön www.raibz.rai.it – Sun l medem sit i programes TV sarà da vedei sota »Mediateca« y les trasmiscions radio sota »Podcast«.

Referac
15.12.
Pelegrins de speranza
En domënia ai 15 de dezëmber dales 9:15 él te salf dles mani­festaziuns a Lungiarü n referat cun Iaco Frontull, olache ara nen vá dl Ann Sant 2025, sot al tema »Pelegrins de speran­za«. Organisaziun: Consëi de formaziun San Martin

Chino
Atualmenter
Al chino de Pardac
Doman sabeda ai 14 de de dezember aur l Chino de Par­dac. En sabeda da les 17:00 e da les 21:00 e en domenia da les 17:00 se pel veder »Oceania 2«. En domenia da les 21:00 l é enveze en program »Il ragazzo dai pantaloni rosa«. Info al 320 0288918.
Atualmenter
Al chino de Tieser
Anché, vender ai 13 de dezem­ber da les 21:15 e domenia ai 15 da les 20:30 l é »Kraven il cacciatore«, sabeda ai 14 da les 20:45 per la rassegna ‘Il piacere del teatro’ l é l spetacol da Nadèl del Cor Millenote de Tieser »SOS tra le nuvole«. Program su www.cinema tesero.com.