La Usc di Ladins

Per le lege talièna l plagio no l é più n reat dal 1981. Te la Tèlia anchecondì l é donca legal per ejempie manèr fora su la televijion e sui fonins reclam pienes de messajes fausc, che porta la jent a creer cosses no reèles, che engaissa a comprèr, con chela de ruèr a se goder e a stèr ben. Colores sgalizenc, lum viva, audio aut, protagonisć de bela parbuda: l é strategies che vegn metù a jir con n studie scientifich per gabolèr e vener prodoc e emozions.

David Murgia, giornalist de nonzech a livel nazionèl che laora ence co la RAI e con TV2000, l é vegnù te Fascia a la fin de november de gra al envit portà dant dai dozenc de religion di Licees de Fascia. Te sia fona conferenzes per i studenc e per la comunanza l à volù meter en vèrda la jent sui pericoi che l é stroz aldidanché en cont de la setes, laiches e religiouses. L mecanism che vegn durà te la setes l é l medemo de chel a fondament de la reclam: chisc gropes ge ven a la persones benesser, spas, contenteza o adertura l paradis, domanan en cambie scioldi, lurier zenza paament e na dependenza totala.

De più su La Usc stampèda de en vender ai 13 de dezember.  (Thomas Zulian)