La Usc di Ladins

L joler dl Aiut Alpin Dolomites à inò tëut su si servisc ai 7 de dezëmber, do la paussa da d’autonn. N chël di iel stai doi ntervënc, un de chisc tla Ladinia, plu avisa sun l purtoi de Mont de Sëura, ulache n ël cech de 31 ani fova tumà, se taian dassën cun n schi te na cuessa. La Crëusc Cuecena à riesc udù tant che l sangunova y ti à śarà ju l sanch cun n lac. Do che l dutor ti ova fat la prima cures, iesen julei limpea tl spedel de Bulsan.
N dumënia ai 8 de dezëmber à l joler fat doi ntervënc: dala 10:43 àn cherdà aiut sun Se­cëda, ulache n ël fova tumà cun i schi y ova perdù cu­scienza. L joler à lascià ju l dutor y n judacrëp cun n hoove­ring pra l pazient, che fova ntant inò renvenì. Mpo l àn ciarià tl joler y l à menà tl spedel de Persenon per n cuntrol.

De plu tla edizion stampeda de La Usc di Ladins o sun l e-paper a paiament www.lausc.it/e-paper