La Usc di Ladins

En sabeda ai 7 a Yanqing tel slalom lèrch paralel de Copa del Mond de brea te la Cina, la medaa de or de eles é stata vadagnèda da Lucia Dalmasso, clas 1997 de le Fiamme Gialle, falcadina ma cresciuda sportivamenter tel Ski Team Fascia. Anter ic doi taliegn é rué sul podie: la medaa de arjent é jita a Maurizio Bormolini e chela de bron a Mirko Felicetti, atlet ladin da Moena (anzi da Someda), clas 1992 del Circolo Canottieri Aniene, che l à concostà coscita sie 12° podie en Copa del Mond, de gra a la venta te la picola finèla contra l autriach l’austriaco Andreas Prommegger. Felicetti, che aea venciù ti chèrc de finèla contra Aaron March, l à dapò zedù contra l sloven Tim Mastnak.  (Lucia Gross)