La Usc di Ladins

L’Ombolt y la Junta dl Comun de Mareo á invié dai 26 ai 28 de novëmber ales incuntades cun la popolaziun, che é te Mareo tres ciamó te vigni paisc. Al é gnü fat n cheder ampl sön i laurs, cun n edl sön chi che dess garaté l’ann che vëgn. Döt adöm á l’Ombolt albü tröp da cunté, bele ma canche ara nen jô de infrastrotöres.
Chiló pón alzé fora dantadöt les strades, che é zënzater stades n punt zentral de chësta aministraziun. Bele ma chësc ann él gnü investí 1,2 miliuns por comedé strades da na pert fora – gonot ince cun contribuc che an é jüs a chirí da Balsan ite. Pro chëstes strades pón cumpede la strada Soröa por chi 350 mile euro, spo le Punt de Nichele y la strada a Frontü por 240 mile, la strada da Frena a La Pli y chëra da Grones a Rina por 100 mile euro, la strada Pla – Börz a Rina por 120 mile y ciamó la strada Chës Costes a Al Plan por 260 mile. Pro chisc laurs s’injunta ciamó i 250 mile euro che le Comun á investí te dötes trëi les fraziuns por asfalc.
De chësc vers él ince preodü val’ deplü por le 2025.

T’La Usc di Ladins di 13 de dezëmber podëise lí deplü  (pablo)