La Usc di Ladins

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
03.12.
Ladins tl monn – Daniel Comploi
Dales 20:50 ca. Program de Esther Videsott y Agostino Fuscaldo, a cura de Leo Senoner.
04.12.
Ladin tl turism
Dales 20:50 ca. Program de Daria Valentin y Hanspeter Karbon, a cura de Alessandro Dapunt.
05.12.
Scenar ert y cultura: Jutta Valentini–Silvia Liotto
Dales 20:50 ca. L’artista Jutta Valentini de Al Plan desmostra te sia ert na gran devozion de viers dl realism metù sun tëila. Silvia Liotto va a crì la paroles sentides per descrì l ntëurvia cun na sensibiltà acribica. Si poejies nasc da spaziredes a mesa la natura o usservan la vita ntëur a d’ëila. Program y cunzet: Ivan Senoner, tai: Hans Peter Karbon, a cura de: Leo Senoner.

Radio
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
29.11.
San Miculau y Nadel bele dan Unissant
For plu y plu suvënz vëijen bele giut dan l tëmp d’Avënt, decurazions, iluminazion y prudoc per la festes de San Miculau y Nadel. Ntan chësta trasmiscion audirons ciuldì che la ie nscila. La parola ti unirà data a buteghieres, tliënc, ma nce a sn. Vijo y al am­bolt de Urtijëi, Tobia Mo­roder. Trasmiscion de Simon Moroder.
30.11.
Momënc de vita, intervista a Umberto Kerer
Da les 19:05. Umberto Kerer é chersciü sö te na picera fraziun de Col de Santa Lizia. Al á tut la dezijiun da vire inant sön Costauta cun süa familia, olache al á ince süa bercstot da tistler. Umberto nes cunta de sciöche le paisc y la vita ê inlaota a Col de Santa Lizia, de so laur y de sües pasciuns. N program de Erika Castlunger.
02.12.
Lifc da ntlëuta (3)–Vinzenz
Dales 19:05. L cunsëi de fur­ma­zion de S.Crestina à pre­jentà na nrescida fata da Ugo Insam y Patrick Senoner sun i vedli lifc dai schi de Gher­dëina, cun la testemunianzes di patrons da ntlëuta che lecorda coche la fova zacan. Te chësta trasmiscion audions i lecorc de Zenz Senoner da Cësanueva de Sëlva che me­nova l lift Panorama sun Dantercëpies. Program a cura de Leo Senoner.
04.12.
Enrescides linguistiches e culturèles al scomenz del 900
Dales 19:05-19:30. L arpejon de l’enrescida linguistica e culturèla al scomenz del 900 met al luster cotant che jà zacan é vegnù fat per der fon­da­ment al lengaz e cultura ladina da pèrt de l’intelighenza ladina de enlouta. En rejonon col dot.Fabio Chiocchetti, program de Anna Mazzel.
05.12.
La botëga de paisc
Dales 19:05-19:30. Zacan pitâ les pices botëghes de paisc de döt, da guant a patüc por la ciasa a mangiaria, mo ince fí, patüc da scora, gais y tröp lapró. Incö á cotan de pices botëghes stlüt y val’ paisc é cinamai resté zënza na botëga. I baiun de chësta chestiun sides cun n boteghier che cun i consumadus, fajon n salt dala Val Badia fina ia te Fascia. N program de Sara Frenner.
Informaziuns plü menüdes sön i programs radio y tele­vijion de RAI Ladinia pôn ciafè sön www.raibz.rai.it – Sun l medem sit i programes TV sarà da vedei sota »Media­teca« y les trasmiscions radio sota »Podcast«.

Iadi y Jites
30.11.
Jita al marcià da Nadel a Rattenberg
L KVW de Sëlva mët a jì na jita a Rattenberg, per ti cialé ala Kisslinger Kunstglasfabrik, ala bela cëses tradiziuneles dla valeda de Alpbach y jì sun l marcià da Nadel de Ratten­berg. L vën pià via dala 8:00 dan la Cësa de Cultura te Sël­va. Priesc (curiera y marën­da): per cumëmbri 60€, per nia cumëmbri 70€. Iscrizions pra Rosmarie tla butëiga Sartëur (tel. 333 1671486).

Sport
Atualmënter
Turnoi de Tennis ITF Women Val Gardena te Sëlva
L turnoi ITF dl’ëiles tl zënter dal tennis te Sëlva, jirà inant nchin sada ai 30 de nuvëmber. Atletes prufesciunistes de livel nternaziunel aut jugherà per n montdepesć da 40.000$.
01.–07.12.
Raiffeisen ITF Woman Val Gardena Südtirol
La partides de tennis danter atletes prufesciuneles mët man ai 1. de dezëmber dala 10:00 inant tl Zënter dal Ten­nis ora Runcadic y jirà inant nchin ai 7 de dezëmber.
03.12.
HC Gherdëina vs. KHL Sisak
Tl stadio Pranives de Sëlva saràl n ai 3 de dezëmber dala 20:30 la partida dl campiunat AHL (Alps Hockey League) danter l HC Gherdëina y l KHL Sisak.
07.12.
HC Gherdëina vs. Zeller Eisbären
Tl stadio Pranives de Sëlva saràl n sada ai 7 de dezëmber dala 20:30 la partida dl cam­piunat AHL (Alps Hockey Lea­gue) danter l HC Gher­dëina y i Zeller Eisbären.

Religion
30.11.
Na Bibia ladina por pici y gragn
L’Istitut Ladin Micurá de Rü inviëia en doman sabeda ai 30 de novëmber dales 15:00 tl gran salf dl Istitut a San Martin de Tor, ala presenta­ziun dl liber »Tüa Parora cunta – La Bibia por pici y gragn«, metü adöm da Renate Va­len­tini, cun ilustraziuns de Chiara Lacedelli. Al sará ince n quiz cun pesć.

Teater
Atualmenter
Sajon teatrèla de Fiem
L é tacà ite la sajon teatrala de Fiem con n grum de apun­tamenc ti teatres de Tieser e Pardac. En domenia ai 8 de dezember da les 20:45 te teater de Tieser la Contrada Teatro Stabile de Trieste porta dant »Dio è una signora di mezza età« n spetacol de Emanuela Grimalda e la regia de Massi­mo Navone.
29.11.
Teater tl Tublà da Nives
Tl Tublà da Nives te Sëlva vëniel purtà dant l teater de Sibylle Berg, »Es kann doch nur noch besser werden«, ncuei vënderdi ai 29 de nu­vëmber dala 20:00. La ntreda ie a dunfierta liedia. Chertes dan­ora: whatsapp 333 7166471, e-mail: info@tubladanives.it.

Mostres y Ert
Atualmënter
Magia dla nuet
Tla galaria Vijion a Puntives iel metù ora na mostra dal titul »magia dla nuet«, che resterà davierta nchin ai 21 de dezëmber, dal lunesc nchin la sada dala 16:00 nchin la 19:00, o tel.: 338 2098697.

Dotours
Dutor Gherdëina
L dutor de servisc da n sada ai 30.11. dala 08:00 daduman nchin la 08:00 daduman de n lunesc ai 02.12. ie l dutor Simon Kostner de Sëlva, tel. 347 2297492.
Doturs Val Badia
Tla fin dl’edema di 30 de no­vëmber y 1. de dezëmber él en sorvisc ti cin’ comuns dla Val Badia le dotur Gio­vanni Crivellaro, La Ila, tel. 348 0014266.

Apoteches
Apoteca Gherdëina
L’apoteca de servisc ora dl orar urdiner de giaurida da n sada ai 30.11. nchin n vën­derdi ai 06.12. ie chëla de Sëuc, tel. 0471/708970 (orar de giaurida lu-ve 8.30-12.30/ 15.00-19.00, sada 8.30/12.30. Turnus: 9.00-12.00).
Apoteca Val Badia
L’apoteca en sorvisc fora dl orar ordinar, dal vëndres ai 29 de novëmber dales 19:00 al vëndres ai 6 de dezëmber ales 19:00, é chëra d’Al Plan, tel. 0474 501240.

Referac
Atualmënter
Berstot per genitores
La Lia Gaia nvieia a chësc workshop per genitores cun l referënt Heinz Senoner y Linda Faconti. La scumën­ciadiva à l fin de renfurzé geni­tores te si vester genitores. L sarà mo doi ancuntedes, ai 4.12. y ai 11.12., for dala 20:00, tl self »Matada« tla Cësa di Cungresc a Urtijëi. Iscrizions sun www.pro-gaia.net.
15.11.
La Dolomites, da ulà vënieles pa?
La Lia da Mont de Gherdëina mët a jì na sëira cun l geologh Corrado Morelli, ncuei, vën­derdi ai 15 de nuvëmber dala 19:30 tla Cësa di Cun­gresc a Urtijëi.

Mujiga
30.11.
Mëssa di Jëuni
I Jëuni de Sëlva nvieia duc n sada, ai 30 de nuvëmber dala 18:00, ala Mëssa di Jëuni dl Prim d’Avënt. La mëssa unirà tenida tla dlieja de Sëlva y sarà abelida dai Hosianna. Unide duc!
30.11.
Evi Mair & Frienda a La Grenz
En sabeda ai 30 de november da les 21:30 a La Grenz a Moena l é l event spezièl con ‘Evi Mair & Friends’ che fèsc musega rock, R&B, soul e cover night.
30.11.
»The Waydlee«

• 
•  

View the embedded image gallery online at:
https://www.lausc.it/manifestazions-y-evenc/28356-manifestazions-atuales#sigProId804595ef34

sun l Marcià da Nadel te Sëlva
La grupa »The Waydlee« su­nerà sun Plaza Nives te Sëlva ai 30 de nuvëmber dala 16:00 nchin la 18:00.
30.11.
Brass Ensemble Gherdëina sona a Urtijëi
N ucajion dla giaurida dl Marcià da Nadel, sunerà l Brass Ensemble Gherdëina tl zënter de Urtijëi, n sada ai 30 de nuvëmber dala 17:00.
01.12.
Cunzert de Avënt dla grupa »Kraxn Weisenbläser«
La grupa »Kraxn Weisen­bläser« sunerà de bela meludies da Nadel, n dumënia ai 1. de dezëmber dala 17:00 inant sun Plaza Nives te Sëlva.
01.12.
Nadel Urtijëi: Paola & Roby
Sun Plaza Stetteneck a Urtijëi puderàn scuté su l duo Paola y Roby, n dumënia ai 1. de dezëmber dala 17:00 inant.
06.12.
Meludies d’Avënt cun l cuartet »De Cater«
L cuartet »De Cater« cianterà sun Plaza Nives de Sëlva, n vënderdi ai 6 de dezëmber dala 17:00 inant.
08.12.
Cunzert d’Avënt tla capela sun Pana
Tla capela sun Pana saràl da scuté su n bel cunzert dl Cor Sasslong y de n cuartet de tlarinëc, n dumënia ai 8 de dezëmber dala 17:00.
06.12.
Nadel Urtijëi: Scola de mujiga de Gherdëina
Sun Plaza Stetteneck a Urtijëi puderàn scuté su de bela cianties y mujiga dla Scola de Mujiga de Gherdëina, n vën­derdi ai 6 de dezëmber dala 17:00 inant.
07.12.
Nadel Sëlva: Lia di Balarins de Urtijëi
La Lia di Balarins de Urtijëi balerà sun plaza Nives te Sëlva ai 7 de dezëmber, dala 17:00 inant.
07.12.
Nadel Urtijëi: Duo de cornamuses
Tl Zënter de Urtijëi puderàn scuté su n bel cunzert de corna­muses, n sada ai 7 de dezëmber dala 11:00.
07.12.
Nadel Urtijëi: i Helios cianta
A Urtijëi, sun Pitla Plaza de S. Antone puderàn scuté su n bel cunzert dla Grupa He­lios, n sada ai 7 de dezëmber dala 17:00.
08.12.
Mountain Christmas Sëlva: l sona l »Trio Ladinia«
La grupa de corni da mont »Trio Ladinia« sunerà sun l Plaza Nives te Sëlva n dumënia ai 8 de dezëmber dala 17:00 inant.
08.12.
Nadel a Urtijëi: l sona l »Trio Ladinia«
La grupa de corni da mont »Trio Ladinia« sunerà sun tl zënter de Urtijëi n dumënia ai 8 de dezëmber dala 11:00 inant.
08.12.
Nadel Urtijëi: i Hosianna cianta
Tl zënter de Urtijëi puderan scuté su n bel cunzert dla Grupa Hosianna, n dumënia ai 8 de dezëmber dala 17:00.

Temp Lede
29.11.
Giaurida dl Marcià da Nadel te Sëlva
L Marcià da Nadel te Sëlva giaurirà chëst ann ai 29 de nuvëmber. Dai 6.12. nchin ai 8.12. saràl daviert dala dala 11:00 inant nchin la 19:00. I autri dis, nchin ai 5 de jené saràl daviert uni di, for dala 15:00 nchin la 19:00.
30.11.
Badia: dauriun la sajun da d’invern
Dlungia la staziun a val dl lift »La Crusc 1« organisëia la Scora de Schi de Badia la festa de daurida dla sajun da d’invern. En sabeda ai 30 de novëmber dales 17:00 inant él musiga dal DJ y dales 19:45 sona la band »Mely & the Moodies«. Lapró él ciamó tröpes d’atres sorpreses.
30.11.
Luech da Nadel a Urtijëi
L marcià da Nadel tl raion da jì a pe de Urtijëi giaurirà n duman sada ai 30 de nu­vëmber y sarà daviert nchin ai 5 de jené. Coche nce i ultimi ani saràl de plu butëighes che meterà ora si marcanzies y nce vel’ stont ulache n puderà se maië y bever zeche. I oreres de giaurida ie da abiné sun valgardena.it
01.12.
Juech y devertimënt per mëndri:es
Sun la pitla plaza de S. Antone a Urtijëi saràl chëst ann na utia particulera, dedicheda ai mëndri y ala mëndres: uni vënderdi y dumënia sëira, dala 17:00 nchin la 18:00 mët la Schiera Junila de Urtijëi a jì n program de juech, aurela curta y devertimënt per mutons:ans.
05.12.
San Miculau te Gherdëina
Ai 5 de dezëmber, pernanche l vën scur, jirà San Miculau tres la plazes di luesc de Gher­dëina, cun si angiuli y l fant. A S. Cristina dala 16:00 sun Plaza de Chemun, te Sëlva dala 16:30 sun Plaza de Dlieja y a Urtijëi dala 17:00 tl raion da jì a pe.

Sozial
Atualmënter
Picolin: portina por l’assistënza y cura
La Portina por l’assistënza y cura é daverta trëi iadi al’ede­ma: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun soziosanitar a Picolin, tl’alzada a tera sön la man ciampa. Chiló vëgnel dé informaziuns y sostëgn por les chestiuns che reverda le guern y l’assi­stënza.
Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de referi­mënt é Hubert (tel. 339 169 8343) y Methilde (tel. 335 6977604).
Atualmënter
Bancarela dl mangé a Badia
La bancarela dl mangé é da­verta vigni secunda jöbia, dales 9:30 ales 10:30. Le pro­scim termin é ai 5 de dezëm­ber. Al vëgn dé fora da mangé a dötes les porsones dla Val Badia che á debojëgn.
Atualmënter
Ciamena dal guant a La Ila
La Ciamena dal guant »Neo­res« a La Ila é daverta vigni vëndres dales 14:00 ales 15:30. An pó dé jö guant y cialzá nia roviná y nëc por mituns da 0 a 14 agn, sciöche ince tasces da scora, elms da jí cun la roda, panolins. An pó spo se tó ci che an adora, por na spënora de 1,00€ por vigni toch – che vá a fin de bëgn.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).
06.12.
Deberieda: Festa de San Miculau
La grupa »Deberieda«, na grupa per se ancunté danter persones che à problems psi­chics o de sozialisazion cun ulenteres, mët a jì na festa de San Miculau. N se anconta n vënderdi ai 6 de dezëmber dala 14:00 dan la Cësa de Paussa a Urtijëi.
06.–08.12.
Marcià da Nadel dla »Locia«
La berstot prutejeda dla Locia nvieia a si marcià da Nadel, dai 06.12.–08.12. for dala 10:00 nchin la 19:00. Tl self dla Lia Mostra d’Ert uniràl metù ora deplù prudoc fac y laurei ora a man da chi che lëura te bestot.

Avisc
Atualmënter
Na uniun nöia: »Club Tirol Ladin«
Tal Val Badia él gnü metü sö na uniun nöia, le »Club Tirol Ladin«. Les porsones pó se scrí ite. Chi che adora infor­ma­ziuns plü menüdes o ó fá l’iscriziun, pó contaté la sura­stanta Claudia Tolpeit al 333 7291926, tla botëga »Pederoa Hill« a Pidrô.
Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauen helfenfrauenbruneck.it
Atualmënter
Iniziativa di ëi de Puster – MIP
L’ofize dla MIP–Männer­initiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it
Atualmënter
Lëtres: cunliamënt Pana – Sautaria
La grupa Nosc Cunfin fej al savëi che la lëtres pòssen inant jì a to tla biblioteches a Urtijëi, S. Cristina y Sëlva y che n possa dé ju si usservazions mé 1) tres PEC o 2) tres na letra recumandeda o dajan ju persunalmënter la lëtra ti Chemuns de S.Cristina o Ciastel nchin ai 06.12.2024.
Atualmenter
I oraries de Pedies
Se pel veder Pedies sul canal 10 de la televijion Trentino TV, de sabeda da les 18:00 , de domenia da les 13:30 e de lunesc da les 11:30. Con Smart TV sul medemo canal l é semper a la leta orian co la friza en su i sotcanai HBBTV, sot la ousc TML. Duc i video e filmac dac fora dal Comun General é ence sul canal Tv Ladina de Youtube.
Uni lunesc
La Coa: ancuntedes per genitores
Uni lunesc dala 09:30 nchin la 11:00 puderàn se ancunté tl local Matada a Urtijëi per sté deberieda danter mu­tons:ans, mamis y tatis y chi che deventerà tosc genitor. Sëuraprò saràl l mesun de damandé cunsëies ala espertes Karin Planker y Linda Faconti. L cost ie de 5€ per cumëmbri dla Lia Gaia.
29.11.
I Popcorner se prejenta a Cianacei
L ultim apuntament de la rassegna »Se cognoscione?« de la biblioteca de Cianacei tol ite la musega. Insnet vender ai 29 de november da les 18:00 te Chino de Cianacei con »E se fajassane n conzert?« vegn prejentà l grop Popcorner e l contest de dessegn de bolghes di studenc de la mesènes de Ciampedel, con n picol marendel.
29.11.
Lia da Mont de Gherdëina: senteda generela
La Lia da Mont de Gherdëina nvieia ala senteda generela, ncuei, vënderdi ai 29.11. dala 19:30 tl self de Chemun de S. Cristina. Te chesta ucajion puderàn nce cumpré la marca dl CAI y AVS. Daldò giaperàn zeche de ciaut da maie.
29.11.
Carsharing a Urtijëi
L Chemun de Urtijëi y la Lia dl Turism de Urtijëi nvieia ala prejentazion ufiziela dl servisc »Carsharing«, n vënder­di ai 29 de nuvëmber dala 15:00 sun Plaza de Dlieja a Urtijëi. Daldó saràl nfin la 18:00 la puscibltà per la zitadines y i zitadins de purvé ora i auti.
30.11.
Open Day Cademia
L Lizeum d’Ert Cademia a Urtijëi nvieia a si di dla porta davierta, n duman, sada ai 30 de nuvëmber dala 8:30 nchin la 12:30.
01.12.
Marcià da Nadel
N dumënia ai 1. de dezëmber mët la Schiera Junila (Jung­schar) de Urtijëi inò a jì si marcià da Nadel te calonia basite, ulache n venderà gher­landes d’avënt y decurazions fates cun i mutons y la mutans. Orar: 7.30–11.30. L unirà nce dat ova vel’piculëza da peslé y da bever.
02.12.
Lia di Filatelisć – ancuntedes
La Lia di Filatelisć, Numis­matics y Vedla Chertes de Gher­­dëina se anconta uni prim lunesc dl mëns dala 20:00 tl Bar 2000 a S. Cristi­na, per s’la ciaculé y fé vel’ barat. La proscima ancunteda sarà ai 2 de dezëmber.
09.12.
Prejentazion codejel Entener e se fèr entener
En lunesc ai 9 de dezember da les 20:30 te Ciasa de la Moniaria i Servijes linguistics e culturèi del Comun General de Fascia prejenta l nef numer del codejel Entener e se fèr entener dal titol ‘Jir a proveder, cojinèr e magnèr a na vida sèna e ecosostegnibola’ metù ensema da Doris Valentini.
13.12
Open day ai Licees de Fascia
En vender ai 13 de dezember da les 14:00 a les 17:00 i studenc e i dozenc del Liceo di lengac, scientifich e artistich de la Scola Ladina de Fascia ve speta per ve moscèr la scola, i laboratories e i desvalives projec che vegn portà dant.

Leteratura
07.12.
»L’alcol pó ester bun... da fá de bi dagns«
En sabeda ai 7 de dezëmber dales 16:30 vëgnel presenté tl pice salf de Comun a La Val n film de sensibilisaziun sön la problematica dl alcol. Dedô él Astrid Kofler che pre­sentëia so liber nü »Sehn­Sucht«.

Chino
Atualmenter
Al chino de Tieser
Insnet, vender ai 29 da les 21:15 en 3D, sabeda ai 30 da les 17:15 e domenia al prum de dezember da les 20:30 l é »Ocenia«, sabeda ai 30 da les 21:15 l é »Il gladiatore II« e domenia al prum da les 17:00 l é »Wicked«. En jebia ai 5 da les 21:15 per la rassegna ‘Il pia­cere del cinema’ l é »Il ra­gazzo dai pantaloni rosa«. Pro­gram su www.cinema tesero.com.

Cursc
06.12.
Cursc da nodé a La Ila
La US La Ila organisëia cursc da nodé cun Davide Moling y Heinrich Conrater, tla noda­doia da La Ila, dai 6 de dezëm­ber inant (indöt 7 incuntades, nia tl tëmp da Nadé y Nanü). Al vëgn fat n grup por chi dla elementara y dui grups por chi dla scolina (agn 2019–20). Le cost é de 85,00€ a ce. Iscriziuns sön www.uslaila.it; infos a fitness@uslaila.it
11.12.
Cursc de acrobatica tl aier
La US La Ila mët a jí dai 11 de dezëmber inant n curs de acrobatica tl aier, cun l’istru­turia Daphne Vincis. Le curs é te palestra da La Ila, dales 19:30 ales 21:30, por indöt 10 iadi. Iscriziuns online sön www.uslaila.it, informaziuns o aiüt tles iscriziuns ala mail fitness@uslaila.it
13.12.
Cursc de paslunch
La scora de paslunch da San Ciascian mët a jí cursc de paslunch por scolars dla elementara y mesana. Al vëgn fat grups de skating, classich y prinzipianc. I mituns podará ince porvé fora le biathlon. Le curs mët man en vëndres ai 13 de dezëmber dales 14:00, tl zënter de paslunch a San Ciascian. Al vá inant indöt 10 iadi, vigni vëndres 14:00 – 16:00. Iscriziuns a https://scuolafondo.it/cursmituns.

Segres y Festes
10.12.
Ancunteda Artejans n pension
La grupa Artejans n pension Gherdëina nvieia duc i cu­mëmbri y si fenans a na an­cunteda n merdi ai 10 de de­­zëmber dala 15:00 tla usta­ria Terazza a Urtijei, per finé via si ann de atività. L dajerà na pitla marënda y l unirà jugà a »Tombola«, ulache n puderà vëncer de biei pesć. Per se nuté su: 333 4826730 - nchin ai 7 de dezëmber.