La Usc di Ladins

Se n jì da cësa ne ie mei saurì. Dan­taldut la bona bales de mami te mancia pa tosc n iede y l n ie nce de chëi a chëi che ti ncrësc do cësa. Ma l vën mumënc tla vita ulache l se cristalisea na puscibltà che possa deventé zeche deplù che mé na esperienza nueva. Per Daniel Moro­der fova chësta ucajion, canche l ie jit a lauré coche njenier tla Nueva Zelanda.

Nia iust do piz via, cun­ scidran la destanza, la mentalità y la rujeneda. Ti damandan a Daniel ciuna che fova la mutivazion che l ova al fin purtà à tò chësta dezijion, me dìjel che zënzauter se àl tl scu­ menciamënt fat truepa dumandes, stadiran ora avisa y a na maniera belau acribica ciuni che fossa stac i aspec positives y negatifs de n tel mudamënt persunel y prufesciunel. Ala fin dla finedes fòvel purempò stat una na cunscidrazion a fé da padrona y chël fova na dumanda che ova tlecà per fé l gran var: »Percie pa no?« 

Ivan Senoner

L articul tla edizion atuela de La Usc di Ladins.