La Usc di Ladins

Dotours
Dutor Gherdëina
L dutor de servisc da n sada ai 21.12. dala 08:00 daduman nchin la 08:00 daduman de n lunesc ai 23.12. ie l dutor Michael Trocker de Urtijëi, streda Promeneda, tel. 388 2580002.
Doturs Val Badia
Tla fin dl’edema di 21 y 22 de dezëmber él en sorvisc ti co­muns de Mareo y San Martin la doturia Margarete Mahlknecht, La Val, tel. 349 0667034 o 0474 523018. Ti comuns de Badia, Corvara y La Val él en sorvisc la doturia Margherita Righini, tel. 348 6351943.

Apoteches
Apoteca Gherdëina
L’apoteca de servisc ora dl orar urdiner de giaurida da n sada ai 14.12. nchin n vën­derdi ai 20.12. ie chëla de Fie, tel. 0471/725373 (orar: 8.30-12.30/15.00-19.00, sada 8.30-12.30, stlut mierculdi dome­sdì. Turnus: sa. 8.30-12.30/ 16.00-19.00, du. 10.00-12.00).
Apoteca Val Badia
L’apoteca en sorvisc fora dl orar ordinar, dal vëndres ai 20 de dezëmber dales 19:00 al vëndres ai 27 de dezëmber ales 19:00, é chëra da San Martin/Picolin, tel. 0474 523020.

Religion
21.12.
»Jesus, Kids & Teens«
Per mutons y mutans dala terza elementera: n fajerà de biei workshop, adurazions, l sarà nce aurela curta cun de­­vertimënt y muvimënt, chiet y reflescion, referac nteressanc. N se anconta te calonia de Sëlva, tla sala dla Schiera Junila, ai 21 de dezëm­ber dala 16:30 inant.

Sozial
Atualmënter
Picolin: portina por l’assistënza y cura
La Portina por l’assistënza y cura é daverta trëi iadi al’ede­ma: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun sozio­sanitar a Picolin, tl’alzada a tera sön la man ciampa. Chiló vëgnel dé informaziuns y sostëgn por les chestiuns che reverda le guern y l’assi­stënza.
Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de referi­mënt é Hubert (tel. 339 169 8343) y Methilde (tel. 335 6977604).
Atualmënter
Bancarela dl mangé a Badia
La bancarela dl mangé é da­verta vigni secunda jöbia, dales 9:30 ales 10:30. Le pro­scim termin é ai 2 de jená 2025. Al vëgn dé fora da man­gé a dötes les porsones dla Val Badia che á debojëgn.
Atualmënter
Ciamena dal guant a La Ila
La Ciamena dal guant »Neo­res« a La Ila é daverta vigni vëndres dales 14:00 ales 15:30. An pó dé jö guant y cialzá nia roviná y nëc por mituns da 0 a 14 agn, sciöche ince tasces da scora, elms da jí cun la roda, panolins. An pó spo se tó ci che an adora, por na spënora de 1,00€ por vigni toch – che vá a fin de bëgn.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).
20.12.
Deberieda: Festa da Nadel
La grupa »Deberieda«, na grupa per se ancunté cun ulenteres danter persones che à problems psichics o de sozialisazion, nvieia a si festa da Nadel. N se anconta n vën­­­derdi ai 20 de dezëmber dala 14:00 dan la Cësa de Paussa a Urtijëi.

Temp Lede
Atualmënter
Juech y devertimënt per mëndri:es
Sun la pitla plaza de S. Antone a Urtijëi mët la Schiera Junila de Urtijëi a jì n program de aurela curta per mutons:ans: uni vënderdi y dumënia dala 17:00–18:00.
Atualmënter
Marcià da Nadel te Sëlva
L Marcià da Nadel te Sëlva sarà daviert uni di nchin ai 5 de jené, dala 15:00 nchin la 19:00.
Atualmënter
Luech da Nadel a Urtijëi
L marcià da Nadel tl raion da jì a pe de Urtijëi sarà daviert nchin ai 5 de jené. Coche nce i ultimi ani saràl de plu butëi­ghes che meterà ora si marcan­zies y nce vel’ stont ulache n puderà se maië y bever zeche. I oreres de giaurida ie da abiné sun valgardena.it
Atualmënter
La Val: Ala descurida dl paisc
Na ciacia al tesur particolara condüj fora por le paisc da La Val. Tratan döt l’invern pón tó pert a na spazirada inte­rativa. Deplü indic y do­manda daidará i partezipanc da ciafé le tesur. Na ocajiun olache an pó ince descurí tröpes coriosités dl paisc. Infos y materiai da pié ia ciafon tl ofize turistich a La Val.
Atualmënter
La Val slomina tla nöt
A La Val vëgnel daurí vigni de dales 17:00 na finestra de n calënder d’Advënt particolar, pro na ciasa tl zënter – da odëi cina ai 6 de jená. Ai 20 de dezëmber dales 19:00 inant pón ince storje pro a se bëre n vin cöt, sön plaza de comun. Dales 20:15 cianta le duo »Gota«.
Atualmënter
Marcé da Nadé a Corvara
Le marcé da Nadé a Corvara deura dai 20 de dezëmber inant, vigni de fina ai 6 de jená, dales 16:00 ales 19:00. Pro deplü üties ciafon boandes cialdes y ince produc de artejanat local. Ai 20.12. dales 17:00 inant sona Mattia Lezuo.
Atualmënter
Nadé te plaza a San Ciascian
Le paiun de paisc i fej da cor­nisc al »Nadé te plaza« a San Ciascian, dai 20.12. inant fina ai 6 de jená, tres dales 16:00 ales 19:00. En domënia ai 22.12. dales 18:00 inant sona Mattia Lezuo. Implü podarán ciarcé spezialités dl post y cumpré produc fac a man.
20. y 23.12.
Adöm te plaza a Badia y Calfosch
Ai 20 de dezëmber dales 18:15 ales 20:00 él sön plaza dan dlijia de Badia musiga da Nadé cun i »Turmbläser« y lapró val’ de cialt da bëre y na jopa. »Adöm te plaza« é ince a Cal­fosch dlungia dlijia, ai 23.12. dales 16:30 ales 18:30, acom­pagné dal grup di corgn da munt »Sassongher«.
21.12.
Chino da Nadel
N sada ai 21 de dezëmber dala 10:00 uniràl mustrà n film da Nadel tla biblioteca de S. Durich a Urtijëi. L sarà n film per tudësch y adatà a mutons y mutans dai 6 ani insù.
22. y 23.12.
Copa dl monn tl’Alta Badia
En domënia ai 22 y en lönesc ai 23 de dezëmber él les gares de Copa dl Monn sön la Gran Risa a La Ila. La domënia él le slalom lerch, le lönesc él le slalom strënt. Intrami i dis mët man la pröma manche dales 10:00 y la secunda dales 13:30. Infos y chertes sön www.skiworldcup.it
22. y 23.12.
Test the best
En gaujiun dles gares de Copa dl Monn tl’Alta Badia, ón porvé fora sön Piz La Ila les novités de schi, cialzá da jí cui schi y d’atra atrezadöra. La domënia ai 22.12. dales 9:30 ales 15:00 y le lönesc dales 8:30 ales 15:00. Al sará ince valgügn maestri de schi che dá consëis o fej na roda de proa cun i partezipanc.
23.12
Nos Ladins cun Egon
Cun »Nos Ladins« án la posci­bilité da descurí deplü sön le monn ladin y i mistiers de nosta jënt. En lönesc ai 23.12. dales 13:30 ales 15:30 pón porvé da jí cui schi da paslunch cun Egon, pro le zënter de paslunch Alta Badia a San Ciascian. Iscriziuns y informa­ziuns online o ti ofizi turistics dl’Alta Badia.

Mostres y Ert
Atualmënter
Magia dla nuet
Tla galaria Vijion a Puntives iel metù ora na mostra dal titul »magia dla nuet«, che resterà davierta nchin dodu­man, 21 de dezëmber, dal lunesc nchin la sada dala 16:00 nchin la 19:00, o cherdan su l 3382098697.
Atualmënter
Mostra »a me, a voi«
Cina ai 7 de merz él da odëi tl salf dles manifestaziuns da Corvara la mostra de Gabriel Colombani da Calfosch. Al é na mostra de fotografies dla natöra, olache vigni foto i é dedicada a na porsona o a n monumënt spezial. La mostra é daverta dal lönesc al vën­deres dales 8:00 ales 12:00 y dales 16:00 ales 18:00; la do­mënia dales 10:00 ales 12:00.
26.12-06.01
Mostra te Comun de Pardac
Tel chèder del percors »Dis­play« de la Fondazion Caritro, te Comun de Pardac dai 26 de dezember ai 6 de jené duc i dis da les 16:00 a les 19:00 se pel veder la mostra »Immer­sione nel colore«, con operes de Daniela Bernardi, Maria Pia Desilvestro, Valentina Michelutti e Franco De Nadai.

Avisc
Atualmënter
Iniziativa di ëi de Puster – MIP
L’ofize dla MIP – Männer­initiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lö­­nesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it
Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauen helfenfrauenbruneck.it
Atualmënter
Na uniun nöia: »Club Tirol Ladin«
Tal Val Badia él gnü metü sö na uniun nöia, le »Club Tirol Ladin«. Les porsones pó se scrí ite. Chi che adora infor­ma­ziuns plü menüdes o ó fá l’iscriziun, pó contaté la sura­stanta Claudia Tolpeit al 333 7291926, tla botëga »Pederoa Hill« a Pidrô.
Uni lunesc
La Coa: ancuntedes per genitores
Uni lunesc dala 09:30 nchin la 11:00 puderàn se ancunté tl local Matada a Urtijëi per sté deberieda danter mu­tons:ans, mamis y tatis y chi che deventerà tosc genitor. Sëuraprò saràl l mesun de damandé cunsëies ala espertes Karin Planker y Linda Fa­conti. L cost ie de 5€ per cumëmbri dla Lia Gaia.
23.12.
Estrazion di pesć dla lotaria da Nadel
N lunesc ai 23 de dezëmber dala 18.00 sun Plaza Stetten­eck a Urtijëi, uniràl trat ora i doi pesć da 1000 € l un dla lotaria da Nadel metuda a jì dai buteghieres de Gherdëina. L pest unirà mé sëurandat a chëi che ie prejënc iló.

Segres y Festes
23.12.
Festa: 25 ani Scola de Schi Saslong
La Scola de Schi Saslong nvieia duc de cuer a festejé deberieda si 25 ani, n lunesc ai 23.12. dala 18:30 tla streda Rezia 26 a Urtijëi.

Chino
Atualmenter
Al chino de Pardac
En sabeda ai 21 de de dezem­ber da les 21:00 e en domenia ai 22 da les 20:30 l é l film comedia »Io e te dobbiamo parlare«, en mercol ai 25 da les 17:00 l é »Mufasa« e da les 21:15 l é »Cortina Express«, je­bia ai 26 da les 16:30 l é »Oce­nania 2« e da les 21:15 l é »Mufasa«, vender ai 27 da les 17:30 l é »Cortina Express« e da les 21:15 l é »Conclave«. Info al 320 0288918.
Atualmenter
Al chino de Tieser
En vender ai 20 de dezember da les 21:15, sabeda ai 21 da les 17:00 e domenia ai 22 da les 17:00 (en 3D) l é »Musafa«, en program ence en mèrtesc ai 24 e en mercol ai 25 da les 17:15. En sabeda ai 21 da les 21:15 e en domenia ai 22 da les 20:30 l é enveze »Conclave«. www.cinematesero.com.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
24.12.
Sotrú – cüna de Merch Dapunt
Dales 20:50 ca. Program de Daria Valentin y Hans Peter Karbon, a cura de Alessandro Dapunt.
25.12.
Aiüt sot na bona stëra – Aziun Trëi Rêsc dla SKJ tl’Indonesia
Dales 20:50 ca. Program de Anna Maria Fiungg, regia de Hannes Penn, a cura de Ales­sandro Dapunt.
26.12.
Euro – Trasmisciun d’economia
Dales 20:20 ca. De Diego Clara y Hartmann Mairhofer, a cura de Leo Senoner.

Radio
Atualmënter
Ladinia Live
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
Atualmënter
Dai Crëps dl Sela
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
22.12.
Andrea Tasser – la plu bela cianties da Nadel
Dales 19:05. La mujiga y l cianté ie n elemënt senificant per la festes da Nadel. Andrea Tasser, l dirighënt dl »Vinzen­tiner Knabenchor«, à cri ora per l radio ladin n valguna cian­­ties da Nadel che ti sà a d’ël la plu beles. A chëstsa ma­­niera ulons purté mpue de atmosfera tla stues y mbin­cé n Bon Nadel. Trasmiscion de Georg Mussner.
25.12.
Nadel e pesc
Dales 19:05. Tel program de insnet volon ve mener te na riflescion che va sorafora vigni religion o tradizion per rejoner de Nadel desche temp de pesc N percors dintornvìa desva­lives argomenc ciolà adum da na lingia de cianzons. Pro­gram de Anna Mazzel.
26.12.
L desturb dl sonn
Dales 19:05. Canche nosc sonn é desturbé ne é la cualité dla vita nia plü la medema. Le psicologh y psicoterapeut Edmund Senoner cunta te chësc program, porsura chësta problematica y dá ince consëis co fá na buna igena dl sonn. N program de Sara Frenner.
Informaziuns plü menüdes sön i programs radio y tele­vijiun de RAI Ladinia pón ciafé sön www.raibz.rai.it – Sön le medem sît sará i pro­grams TV da odëi tla »Media­teca« y les trasmisciuns radio tl »Podcast«.

Mujiga
19.12.
Tlecanoht Urtijëi: Cor di Jëuni
N juebia ai 19 de dezëmber cianterà l Cor di Jëuni de Urtijëi de bela cianties n uca­jion dla Tlecanoht: dala 18:00 inant tl zënter de Urtijëi.
20.12.
Conzert da Nadèl
L Cor Enrosadira endreza en vender ai 20 de dezember da les 20:45 te gejia de Moena l Conzert da Nadèl con la parte­zipazion di bec de la pruma Comunion che lejarà vèlch pen­sier enjignà ensema a don Devis.
20.12.
Conzert da Nadèl de gejia de Pera
En vender ai 20 de dezember da les 21:00 te gejia de Pera conzert del Pentagramma coi cores Young Singers e Note Blu e la cobia Felicetti-Das­sala, sot la direzion de Ilario Defrancesco e con compa­gnament al piano de Marika Bettin e Matteo Scalet.
20.12.
Meludies d’Avënt cun l cuartet »De Cater«
L cuartet »De Cater« cianterà sun Plaza Nives de Sëlva, ncuei vënderdi ai 20 de de­zëmber dala 16:30 inant.
21.12.
Conzert de la Musega Auta Fascia
En sabeda ai 21 de dezember da les 20:45 al PalaDolomites de Ciampestrin la Musega Auta Fascia met dant l Con­zert da Nadèl con momenc de la tradizion ladina.
21.12.
Mountain Christmas: Cor di Mutons de Sëlva
Sun Plaza Nives te Sëlva pu­deràn scuté su de bela cianties dl Cor di mutons de Sëlva, n sada ai 21 de dezëmber dala 17:00 inant.
21.12.
Nadel Urtijëi: Duo de cornamuses
Tl Zënter de Urtijëi puderàn scuté su n bel cunzert dl duo de cornamuses dla Val Badia, n sada ai 21 de dezëmber dala 11:00.
21.12.
Nadel Urtijëi: mujiga cun Elena & Elisa
Sun Plaza Stetteneck a Urtijëi puderàn scuté su la grupa Elena y Elisa, n sada ai 21 de dezëmber dala 17:00 inant.
22.12.
Meludies d’Avënt cun »I Rujins«
»I Rujins« cianterà sun Plaza Nives de Sëlva, n dumënia ai 22 de dezëmber dala 17:00 inant.
22.12.
Nadel Urtijëi: Cor di ëi
Tl zënter de Urtijëi cianterà l Cor di ëi de Urtijëi de bela cianties da Nadel, n dumënia ai 22 de dezëmber dala 11:00.
22.12.
Nadel Urtijëi: mujiga cun Carmen y Marion
Sun Plaza Stetteneck a Urtijëi puderàn scuté su Carmen y Marion che cianterà y sunerà, n dumënia ai 22 de dezëmber dala 17:00 inant.
23.12.
Mountain Christmas: Cunzert de Avënt dla grupa Kraxn Weisenbläser
La grupa Kraxn Weisenbläser sunerà sun Plaza Nives te Sëlva, n lunesc ai 23 de de­zëmber dala 17:00.
23.12.
Nadel Urtijëi: VOXacord
L cuartet »VOXacord« cianterà tla dlieja de Sant Antone a Urtijëi, n lunesc ai 23 de de­zëmber dala 17:00.
24.12.
Nadel te Sëlva: meludies da Nadel cun la Mujiga de Sëlva
La Mujiga de Sëlva sunerà sun Plaza Nives te Sëlva, n merdi ai 24 de dezëmber dala 17:00.
24.12.
Ueia de Nadel a Urtijëi
Tla dlieja de Sant Antone a Urtijëi sunerà i »Turmbläser« da ciampanil ju dala 17:00. Dala 18:00 cianterà pona l Cor di ëi y l Cor di mutons y dla mutans de Urtijëi sun Plaza Stetteneck.
24.12.
Conzert de la vea col Cor de joegn
L Cor de joegn de Soraga la sera de la vea, ai 24 de dezem­ber con scomenz da les 21:30, porta dant te gejia n conzert de cianties da Nadèl. Messa da les 22.00 e do vin e te ciaut col grop Folk de Soraga.
24.12.
Nadel Urtijëi: Cuartet »Cater ujes«
L cuartet »Cater ujes« cianterà tla dlieja de Sant Antone a Urtijëi, n merdi ai 24 de de­zëm­ber dala 11:00.
24.12.
Conzert de la vea de la Musega de Vich
Ai 24 de dezember con sco­menz da les 21:00 la Musega de Vich va fora per l paisc a sonèr melodies da Nadèl e spetèr a jir a Maitin da mesa­net, do messa vin e tè ciaut col grop di Alpins.
25.12.
Mountain Christmas: ntratenimënt cun i corni da mont
L trio de corni da mont sunerà sun l marcià da Nadel te Sëlva, sun Plaza Nives, ai 25 de dezëmber dala 17:00.
25.12.
Nadel a Urtijëi: Cindy & Alex
Sun Plaza Stetteneck puderàn scuté su de bela cianties pur­tedes dant da Cindy & Alex, n mierculdi ai 25 de dezëmber dala 17:00.
27.12.
»Natus est Jesus«
Natus est Jesus – Gejú é na­sciü: chësc é le titul de n con­zert da Nadé en vën­dres ai 27 de dezëmber dales 21:00, te dlijia d’Al Plan. Sofia Pisching (so­pran), Renzo Huber (tenor), Marion Pal­frader (vidora), Valentina Tolpeit (violoncello) y Simon Brandlechner (orghe) portará dant musiga baroca da Nadé.
28.12.
Badia: Conzert da Nadé modern
En sabeda ai 28 de dezëmber dales 21:00 él te dlijia de Badia n conzert da Nadé modern dal titul »Aparënza y realté«. Al sona y cianta le cor di jogn »Kyrios« adöm ala Müjiga de Badia y ala band.
01.01.
Mountain Christmas: Cunzert de Avënt dla grupa Kraxn Weisenbläser
La grupa Kraxn Weisenbläser sunerà sun Plaza Nives te Sëlva, n mierculdi ai 1. de jené dala 17:00.

Sport
20.12.
Super-G di ëi
Ai 20.12. ie l purtoi Saslonch resservà defin per l’elite dl sport dai schi: la garejeda dl Super-G de Copa dl Mond scumëncia dala 11:45.
20.12.
Premiazion dl super-G y estrazion di numeri per l start dla libra
N vënderdi ai 20.12. sun Plaza de Sant Antone a Urtijëi: dala 17:45 inant saràl la premiazion dl super-G y l unirà trat ora i numeri per l start dla libra.
21.12.
Fis Ski World Cup – libra di ëi
La garejeda de libra sun l purtoi Saslonch sarà n sada ai 21 de dezëmber dala 11:45 inant.
22.12.
HC Gherdëina vs. HC Meran
Tl stadio Pranives de Sëlva saràl ai 22 de dezëmber dala 20:30 la partida dl campiunat AHL (Alps Hockey League) danter l HC Gherdëina y l HC Meran.