La Usc di Ladins

En jöbia sëra ai 12 de dezëmber á l’Uniun Ladins Val Badia albü l’ocajiun de presenté tl pice salf de Comun a La Val le film nü »Cincanta« dl regist etnografich Paolo Vinati. Le cört documentar á ciafé süa realisaziun tla cornisc de n proiet plü ampl, sostegní dal program de finanziamënt europeich »Interreg Italia-Austria CLLD Dolomiti Live«, cun le travert de porté pormez y renforzé le lian danter comunités despartides da confins geografics, politics y culturai.

»Cincanta« documentëia les incuntades tradizionales de oraziun serala, dedicades a Santa Maria, che se desfira vigni ann tl mëis de ma, tresfora tla picera capela de Pidrô. La tradiziun é dër sintida y vëgn portada inant cun ligrëza, ince dai mituns che se porta ite. Chësta tradiziun é porchël relevanta dal punt d’odüda antropologich y cultural, y se mirita da gní documentada«, á dit le presidënt dla ULVB René Pescoll tl’introduziun dan la proieziun.


Deplü ciafëise da lí tla ediziun nöia ai 19 de dezëmber!