La Usc di Ladins

La storia da Nadé é öna de chëres che apascionëia gragn y pici, da cënc d’agn incá. Na storia y n tëmp caraterisá da n gröm de recordanzes, de emoziuns, de sentimënc.
Döt cant é lié ala nasciüda dl Bambin, le Salvatur – che á messü gní al monn tl chît y scür de na ciané, deache Maria y Ujöp n’â nia ciafé alberch te ciases o ostaries. A ti dé cialt êl inlaota ma dui protagonisć che é plülere jüs sot tla storia: le müsc y le bo. Na paladina ái indere ciafé tla fin dl’edema passada a La Ila, pro le spetacul "Send Jesus Today" (Sce Gejú nascess aldedaincö), n conzert da Nadé n pü’ atramënter, olache propi müsc y bo á cunté co che ara ê stada, chësc gran avenimënt sozedü bele dan da passa 2000 agn, ci che ai â aldí, odü y sintí te chë Nöt Santa.

Deplü ves cuntunse t’La Usc di Ladins di 19 de novëmber. Chiló ves pitunse n iade n valgönes impresciuns fotografiches, metüdes a desposiziun da Gianvito Coco.  (pablo)